لاڭكەستىك ءۇشىن 15 جىلعا سوتتالعان اتىراۋ وبلىسىنىڭ تۋماسى ادىلبەك بەكقۇلوۆ وتكەن ءىسى ءۇشىن وكىنەدى. بۇل تۋرالى ول تۇركىستان وبلىسى ءدىن ىستەرى باسقارماسىنىڭ تاپسىرىسى بويىنشا تۇسىرىلگەن بەينەجازبادا ايتقان، - دەپ حابارلايدى bairaqmedia.kz

تەرگەۋ مالىمەتتەرىنە سۇيەنسەك، 2012 جىلى راديكالدى يدەولوگياعا اربالعان جەرلەستەرىمىز ەلىمىزدىڭ باتىس وڭىرىندە تەرروريستىك توپتار قۇرىپ، سيريا، اۋعانستان، پاكىستان ايماعىنداعى لاڭكەستەرمەن بايلانىس ورناتپاق بولعان. كۇشتىك قۇرىلىمداردىڭ عيماراتىنا شابۋىل جوسپارلاپ، ارنايى وپەراسيا كەزىندە بىرنەشە بۇلىكشىنىڭ كوزى جويىلادى. تۇتقىندالعان 16 ادامعا «تەرروريزمدى ناسيحاتتاپ، تەراكت جاساۋعا جاريا تۇردە شاقىرىپ، لاڭكەستىك توپ قۇردى جانە وعان باسشىلىق ەتتى، قىزمەتىنە قاتىسىپ، قارجىلاندىردى» دەگەن ايىپتار تاعىلعان. سولاردىڭ قاتارىندا ادىلبەك بەكقۇلوۆ تا بار.

26 ادام بولدى. 10 ادام سول جەردە ءولدى. 16-مىز قالدىق. ءبارىمىز سوتتالدىق. ءبىزدىڭ ءامىرىمىز بولدى. ول ۇستالعان جوق. ول سيرياعا كەتىپ قالدى. سول ءبىزدى تارتپاقشى بولدى سيرياعا. سول كەزدە 2012-دە 300 مىڭداي اقشا اۋداردىق ولاردىڭ شوتتارىنا. كەيىن سيريادا سوعىسىپ كەلگەن جىگىتتەر ايتتى،  «انا جاقتا سەندەردىڭ اقشالارىڭا قىدىرىپ ءجۇر» دەدى. ءوز كوزدەرىمەن كورىپ، كەلىپ ايتتى. سودان كەيىن ءبىز تاڭ قالدىق، - دەدى ول.

 سوتتالۋشى ءوز ءومىرىمدى ءوزىم قۇرتتىم دەپ كۇيىنەدى. ءارى بۇل ءىسىم ءۇشىن وكىنەمىن دەپ وتىر.

ءومىر زايا كەتۋدە. 15 جىل... وسى ىستەگەنىمە وكىنەمىن. جاستارعا ايتارىم، اداستىراتىن دارىستەر تىڭداماڭدار. ءبىز سياقتى مىنا جەرگە كەلىپ، وكىنىپ وتىرماڭدار. جىلاعىم كەلىپ وتىر...، - دەدى سوتتالۋشى.

 سونداي-اق، ول جاقىندارىنان كەشىرىم سۇرادى. ءارى كوپشىلىكتى جات اعىمنىڭ جەتەگىندە كەتپەۋ ءۇشىن اسا ساق بولۋعا شاقىردى.