ءانشى ەركە ەسماحان جۋرناليست ءلايلا سۇلتانقىزىنا رەنىشىن جەتكىزدى، دەپ حابارلايدى bairaqmedia.kz.
بەلگىلى تەلەجۇرگىزۋشى جۋىردا ءوزىنىڭ YouTube ارناسىندا پلاستيكالىق حيرۋرگتاردى قوناق ەتىپ شاقىرىپ، وتاندىق ونەر جۇلدىزدارىنىڭ قانداي وتاعا جۇگىنگەنى جايلى سۇحبات جۇرگىزگەن. اڭگىمە بارىسىندا دارىگەرلەر ەركە ەسماحاننىڭ دا ەسىمىن اتاعان.
مامانداردىڭ ايتۋىنشا، ءانشى بەتىنىڭ جانى مەن كوزىنە پلاستيكالىق وتا جاساتقان بولۋى مۇمكىن. سونداي-اق مۇنداي قىزمەتتى قازاقستاندا ەمەس، كورەيادا جاساتقان دەگەن بولجام ايتىلدى.
بۇل جايت ونەر يەسىنىڭ كوڭىلىنە تيمەي قويماعان. ول Instagram جەلىسىندەگى ستوريسىندە ءلايلا سۇلتانقىزىنا تىكەلەي جازىپ، مۇنداي ارەكەتتى كۇتپەگەنىن اشىق جەتكىزدى.
«ءلايلا حانىم، سىزدىكى ءجاي ما؟ سۇقباتتاستارىڭىزدىڭ ايتىپ وتىرعان قورقىنىشتى نارسەلەرىنىڭ ەشبىرىن مەن بەتىمە جاساتپاعانىمدى ءسىز وتە جاقسى بىلەسىز. مەنىمەن جاقىن سىيلاس، سىرلاس اپكەم رەتىندە وتىرىككە جول بەرمەۋدىڭ ورنىنا ءوزىڭىز تالقىعا سالىپ وتىرعانىڭىز تاڭعالدىردى.
مەن ارتىمنان ايتىلاتىن اڭگىمەلەرگە ءمان بەرمەيمىن نەگىزى. ويتكەنى، ءوزىمنىڭ قانداي ەكەنىمدى ءوزىم عانا بىلەمىن! ءبىراق، ومىردە جاقىن دەپ جۇرگەن جانداردىڭ مەنىڭ اتىمدى حايپ پەن قارالىمعا پايدالانعانى ۇنامايدى. سەبەبى ءوزىم ونداي ادام ەمەسپىن. جارايدى، امان بولىڭىز!»، - دەپ جازدى ول.
