الماتى وبلىسىندا 2025 جىلى تۇرعىن ءۇي قۇرىلىسى مەن ساتىپ الۋعا باعىتتالعان اۋقىمدى باعدارلاما جۇزەگە اسىرىلۋدا، - دەپ حابارلايدى bairaqmedia.kz

بيۋدجەت قاراجاتى ەسەبىنەن جالپى اۋماعى 118،0 مىڭ شارشى مەتردى قۇرايتىن 1522 پاتەرلىك 28 ءۇيدىڭ قۇرىلىسى اياقتالىپ، پايدالانۋعا بەرىلمەك. ءبىرقاتار ۇيلەر ءقازىردىڭ وزىندە تاپسىرىلدى، ال پروبلەمالىق نىساندار بويىنشا ءتيىستى شارالار قابىلدانۋدا.

تالعار مەن جامبىل اۋدانىندا كەيبىر پاتەرلەرگە تۇرعىندار قونىستانىپ ۇلگەردى، بىرنەشە نىسان اياقتالۋ ساتىسىندا. وبلىس اكىمدىگىنىڭ مالىمەتىنشە، بارلىق ماسەلەلەر باقىلاۋدا، مەرزىمدى بۇزعان مەردىگەرلەرگە قاتىستى زاڭ اياسىندا جۇمىس جۇرگىزىلۋدە.

سونىمەن قاتار دايىن تۇرعىن ءۇيدى ساتىپ الۋ دا قاتار جۇرگىزىلىپ جاتىر. بيىل الەۋمەتتىك وسال توپتار مەن كەزەكتە تۇرعاندار ءۇشىن 1700 پاتەر ساتىپ الۋعا 27،4 ملرد تەڭگە قاراستىرىلعان. ونىڭ ىشىندە 200-دەن استام وتباسى جاڭا پاتەردىڭ كىلتىن الىپ ۇلگەردى، قالعاندارى كەزەڭ-كەزەڭىمەن قامتاماسىز ەتىلەدى.

الماتى وبلىسى اكىمىنىڭ ورىنباسارى اسەت ماسابايەۆ ايماقتا ازاماتتار الدىنداعى مىندەتتەمەلەردى تولىق ورىنداۋ كوزدەلگەنىن اتاپ ءوتتى.

كەزەكتە تۇرعان ءاربىر وتباسى ءوز باسپاناسىن ۋاقىتىندا الۋى ماڭىزدى. پروبلەمالىق نىساندار بويىنشا باقىلاۋدى كۇشەيتتىك، ادال ەمەس مەردىگەرلەرگە شارا قولدانىلىپ جاتىر. سونىمەن قاتار دايىن تۇرعىن ءۇيدى ساتىپ الۋ جۇمىستارى جۇرگىزىلۋدە، حالىقتى كۇتۋگە قالدىرماۋ ءۇشىن، — دەدى ول.

جىل سوڭىنا دەيىن قونايەۆ، تالعار جانە ەسىك قالالارىندا ءىرى نىسانداردىڭ قۇرىلىسى اياقتالادى دەپ جوسپارلانۋدا. قۇرىلىستىڭ دايىندىق دەڭگەيى 90%-دان اسقان، ۇيلەردى بەلگىلەنگەن مەرزىمدە پايدالانۋعا بەرۋ كوزدەلىپ وتىر.