29 جاستاعى قازاقستاندىققا قاتىستى تەرگەۋ اياقتالىپ، ءىس سوتقا جولدانعان دەپ حابارلايدى bairaqmedia.kz جەرگىلىكتى اقپارات قۇرالدارىنا سىلتەمە جاساپ. 

ينچحون حالىقارالىق اۋەجايىنىڭ كەدەن قىزمەتى 9 ءساۋىر كۇنى 29 جاستاعى قازاقستاندىق ازاماتقا قاتىستى تەرگەۋ اياقتالعانىن جانە ءىس سوتقا جولدانعانىن مالىمدەدى. ول مەفەدرون ەسىرتكى زاتىن ەلگە كىرگىزىپ، تاراتپاق بولعان.

تەرگەۋ دەرەگى بويىنشا، ەسىرتكى زاتى ۋكراينادان پوشتا ارقىلى جونەلتىلگەن. كونتراباندا بالاۋىز شامداردىڭ ىشىنە جاسىرىپ، پلاستيك پاكەتكە ورالعان كۇيدە جەتكىزىلگەن. 61،5 گرامم مەفەدرون تاركىلەنگەن، — دەپ جازىلعان حابارلامادا.

ۇستالعان ازامات وڭتۇستىك كورەيادا زاڭسىز جۇرگەن، ءارى تەرگەۋدەن جالتارۋ ءۇشىن بىرنەشە رەت جەتكىزۋ مەكەنجايىن جانە بايلانىس دەرەكتەرىن وزگەرتكەن كورىنەدى. الايدا، كەدەن قىزمەتكەرلەرى ونى ەلدەن ۇشىپ كەتۋگە ارەكەت جاساعان ساتتە ۇستاپتى.

تەرگەۋ بارىسىندا ۇستالعان ازاماتتىڭ تاعى ءبىر قازاقستاندىقپەن ءسوز بايلاسقانى انىقتالعان. ول ادام ەلدەن بۇرىن شىعىپ كەتكەن، قازىرگى ۋاقىتتا قازاقستان اۋماعىندا ءجۇر دەگەن بولجام بار. ول 28 جاستا جانە ناۋرىز ايىندا حالىقارالىق ىزدەۋگە جاريالاندى، — دەلىنگەن جازبادا.

كۇدىكتىلەر وڭتۇستىك كورەيادا شەتەل ازاماتتارى كوپ شوعىرلانعان اۋدانداردا ەسىرتكى تاراتپاق بولعان. ولار Telegram جەلىسى ارقىلى جەتكىزۋشىمەن بايلانىس ورناتۋدى كوزدەگەن.