پرەمەر-مينيستر ولجاس بەكتەنوۆ ساراپشىلارمەن وتكىزگەن كەزدەسۋدە ەكونوميكانى دامىتۋدىڭ وزەكتى ماسەلەلەرى تالقىلاندى، دەپ حابارلايدى Bairaqmedia.kz.
ەكونوميستەر الەم نارىعىنداعى قازىرگى احۋال تۋرالى ساراپتامالىق پىكىرلەرىمەن ءبولىستى، سونداي-اق ۇلتتىق ەكونوميكاعا اسەر ەتەتىن ۇردىستەردى اتاپ ءوتىپ، ەكونوميكالىق ءوسۋدى قامتاماسىز ەتۋ بويىنشا الداعى جۇمىستارعا قاتىستى ءبىرقاتار ۇسىنىس ءبىلدىردى.
ينۆەستيسيا، ساۋدا جانە وڭدەۋ ونەركاسىبى سالالارىنا نازار اۋدارىلدى. سونىمەن قاتار ۇكىمەتتىڭ تيىمدىلىككە باسا نازار اۋدارا وتىرىپ، باسىمدىق بەرىلمەگەن شىعىستاردى وڭتايلاندىرۋ جانە قاراجاتتى ماڭىزدى باعىتتارعا قايتا ءبولۋ جونىندەگى قىزمەتى قارالدى.
تالقىلاۋ قورىتىندىسى بويىنشا پرەمەر-مينيستر ۇلتتىق ەكونوميكا مينيسترلىگىنە ايتىلعان ۇسىنىستاردى پىسىقتاۋدى تاپسىردى.
