الەۋمەتتىك جەلىدە ءماجىلىس دەپۋتاتى تەمىر قىرىقبايەۆ پەن تۇركىستان وبلىستىق ءماسليحاتىنىڭ دەپۋتاتى نۇرايىم شاقيمەرگەننىڭ ماحابباتى تۋرالى ۆيدەو تاراپ، قىزۋ تالقىلانىپ جاتىر. ماجىلىسمەن مەن ءماسليحاتشى سۇلۋدى نە بايلانىستىرادى؟ ۆairaqmedia.kz  ءتىلشىسى بۇل سۇراقتى تەمىر قىرىقبايەۆتىڭ وزىنە قويدى. 

ماجىلىسمەن تۇركىستان وبلىستىق ءماسليحاتىنىڭ دەپۋتاتى نۇرايىم شاقيمەرگەنمەن جەكە تانىستىعىن جاسىرمايدى. ءبىراق، "ماحاببات" تۋرالى سۇراققا كەلگەن كەزدە "بۇل مەنىڭ جەكە ءومىرىم" دەپ، قانداي دا ءبىر اقپارات بەرۋدەن باس تارتتى. 

«بۇل ادامنىڭ جەكە ءومىرى. ول تۋرالى ەشتەڭە ايتا المايمىن. تانىمايمىن ەمەس، تانيمىن. ءماسليحاتتاعى ورنىمدى سول كىسىگە تاستاپ كەتتى دەگەن ادامنىڭ باسىنا سياتىن نارسە ەمەس. ونى حالىق سايلاعان. وعان مەنىڭ ەشقانداي قاتىسىم جوق. ول پارتيادان ەمەس، ءوز-وزىن ۇسىنىپ، وتكەنىن مەن بىلەمىن»، - دەدى تەمىر قىرىقبايەۆ. 

دەپۋتات بالاعا قاتىستى سۇراقتى دا جاۋاپسىز قالدىردى.

«ول تۋرالى دا ايتا المايمىن. جەلىدە تاراعان ۆيدەودا فوتوشوپ قولدانعان. كوپشىلىك وتىرعان جەردە ەكەۋمىزدى جاقىنداتىپ ءتۇسىرىپ قويعان. بالانىڭ قولىنداعى ويىنشىقتى ۆەيپ دەپ شىعارعان»، - دەپ جاۋاپ بەردى ماجىلىسمەن. 

ايتا كەتەيىك، الەۋمەتتىك جەلىدە تاراعان ۆيدەودا قوس دەپۋتاتتىڭ قۇشاقتاسقان، كىشكەنتاي بالامەن وتىرعان ساتتەرى بار. نەگىزى Instagram-عا فوتولاردى 25 جاستاعى ءماسليحاتشى سۇلۋدىڭ ءوزى جۇكتەپ، كەيىن كوشىرگەن. QYSQASOZ ارناسىنىڭ جازۋىنشا، قىرىقبايەۆ ءماسليحاتتاعى بۇرىنعى ورنىنا ناقسۇيەرىن تاستاپ كەتكەن. بالا دا ورتاق پەرزەنتتەرى بولۋى مۇمكىن.

«تەمىر مىرزاعا قۇرىلىس پەن ساياساتتىڭ ەكى نارسە ەكەنىن جانە ۇلكەن ساياساتتا مۇنداي قاتەلىكتەر كەشىرىلمەيتىنىن ايتقىمىز كەلەدى. ال 25 جاستاعى قىزدى دەپۋتاتتىق ورىنعا تاستاپ كەتۋىڭىز، ءسىزدىڭ اككى ساياساتكەر ەمەس، قارابايىر قۇرىلىسشى ەكەنىڭىزدى كورسەتەدى»، - دەلىنگەن روليكتە.