ەكس-پرەمەرمەن تويدا تۇسكەن سۋرەتىن جۋرناليست بيگەلدى عابدۋللين الەۋمەتتىك جەلىدەگى پاراقشاسىندا جاريالادى دەپ حابارلايدى bairaqmedia.kz
كوپتەن كورىنبەي كەتكەن سەرىك احمەتوۆ قاراعاندىعا اقىن سەرىك اقسۇڭقار ۇلىنىڭ 75 جاس مەرەيتويىنا بارعان. جۋرناليست وسى شارادان ەستەلىك رەتىندە بىرنەشە سۋرەت جاريالاعان. ءارى اقىننىڭ تويىنا ساياسي ەليتا وكىلدەرى جينالعانىن جازىپتى.
كەشە سارىارقانىڭ جۇرەگى - قاراعاندى قالاسىندا قازاقتىن تالانتتى اقىنى سەرىك اقسۇنقاردىڭ مەرەي تويى ءوتتى. بۇل توي تەك وسى ءوڭىردىڭ تويى ەمەس، بۇكىل قازاق ەلىنىڭ مەرەكەسى بولدى دەۋگە ابدەن بولادى، – دەپ جازدى بيگەلدى عابدۋللين.
ايتا كەتەيىك، سەرىك احمەتوۆ 2012 جىلدان 2014 جىلعا دەيىن پرەمەر-مينيستر قىزمەتىن اتقاردى. ودان كەيىن قورعانىس مينيسترلىگىن باسقارعان بولاتىن. 2015 جىلى وعان اسا ءىرى كولەمدە پارا الدى، قىزمەتتىك وكىلەتتىگىن اسىرا پايدالاندى، بيۋدجەت قاراجاتىن جىمقىردى جانە زاڭسىز كاسىپكەرلىكپەن اينالىستى دەگەن ايىپتار تاعىلدى. 2017 جىلى احمەتوۆ جازانىڭ باس بوستاندىعىن شەكتەۋگە، ياعني شارتتىعا اۋىستىرىلۋىنا بايلانىستى تۇرمەدەن بوساتىلدى. سودان بەرى ەكس-پرەمەر كوپشىلىك الدىندا كورىنبەي كەتكەن بولاتىن.
