دەسترۋكتيۆتى ءدىني اعىمداعى ادامنىڭ ايقىن بەلگىلەرى بار. ماسەلەن، ولار ناماز وقۋى باسقاشا بولادى. بۇل تۋرالى تۇركىستان وبلىسى ءدىن ىستەرى باسقارماسىنىڭ "ءدىن ماسەلەلەرىن زەرتتەۋ ورتالىعىنا" بەرگەن سۇحباتىندا بەلگىلى تەولوگ تيمۋر ءنۇسىپحان ايتتى، - دەپ حابارلايدى bairaqmedia.kz
دەسترۋكتيۆ دەگەندە كىمدى ايتىپ تۇرمىز؟ بۇل جەردە يسلام اتىن جامىلعان اعىمداعى ادامدار بولسا – ءسالافيت، باسقا دا بولسا، بۇلاردىڭ كەيبىر بەلگىلەرى بولادى. مىسالى، ناماز وقۋدا ءبىزدىڭ حانافي مازھابىنداعى مەشىتتەگى يمام، ۇستازداردىڭ وقۋ ۇلگىسىندەي ناماز وقىمايدى، ءسال وزگەشە بولادى. قول بايلاۋى، نامازدا تۇرۋى، نامازدان كەيىن وتىرىپ تاسپيح تارتىپ، وقىعان نامازىنىڭ قابىلدىعىن، بالا-شاعاسىنىڭ اماندىعىن سۇراپ قولىن جايىپ دۇعا جاساۋ، بەتىن سيپاپ، قابىلدىعىن راببىمنان تىلەۋ دەگەن سەكىلدى تۇسىنىكتەر ولاردا بولمايدى. ول – ءبىر. ۇنەمى ناماز وقىپ جاتقان ادامدى كەزدەستىرە الماۋى مۇمكىن عوي بەلگىلى ءبىر ۋاقىتتاردا. نەمەسە توي-تومالاق، قايتىس بولعان ادامنىڭ ءۇشى، جەتىسى، قىرقى دەگەن نارسەلەردە بۇلار جۇرمەيدى. ءتۇرلى سىلتاۋ ايتىپ، بارسا دا اينالا قاشىپ، جەرلەپ جاتقان ادامنىڭ دا جانىندا تۇرىپ قوشتاسۋىن دا، سوڭعى ساتىندە دە ءقابىرىنىڭ باسىندا توپىراعىن سالىپ، قۇرانىن وقىپ، سول جەردە وتىرىپ جاماعاتپەن بىرگە بولمايدى، قاشىپ جۇرەدى. ول جەردە وقىلعان قۇراندى دا، اللانىڭ ءسوزى بولعان قۇراننىڭ ءوزىن سول جەردە وقىپ جاتقان تۋعان اناسى، اكەسى، جاقىنى بولسا دا دۇرىس ەمەس دەپ قابىلدايدى، - دەدى تەولوگ.
جات اعىمداردىڭ بۇدان وزگە دە بەلگىلەرى كوپ. ەگەر جوعارىدا اتالعان بەلگىلەر بايقالسا، ول ادامدى ءدىن باسقارماسىنداعى تەولوگ، يمام نەمەسە ۇستازدارعا اپارۋ كەرەك دەيدى تيمۋر ءنۇسىپحان.
ادام شوشىعان ءتۇس كورىپ، «جىندانىپ كەتتى مە مىناۋ» دەپ، قورىققان كەزدە يمامعا اپارۋ ەمەس، وسىنداي ءبىر بەلگىلەر بايقالعان كەزدە بالاسىندا "ول سوعان اپارام" دەسەڭ دە قۋانا-قۋانا بارماي، كەرىسىنشە قاشقاقتاۋى مۇمكىن: «وي، نە بىلەدى، يمامعا بارمايمىن مەن»، – دەپ. وسىنداي بولسا، كوبىرەك كوڭىل ءبولۋ كەرەك. ءوزىڭ بارىپ، اكەلىپ سويلەستىرۋ كەرەك. تالاي سويلەسىپ جۇرگەن كەيبىر ادامدار جاقىن دوسى، جاقىن تۋىسى وسىنداي جاناشىرلىقپەن اكەلەدى. 1-2 سوزدەن كەيىن مامان ونىڭ دۇرىس-بۇرىس ەكەنىن اجىراتىپ بەرەدى. ەگەر دۇرىس ەمەس كوزقاراستا بولسا، ونى ءارى قاراي جۇيەلى تۇرعىدا جۇمىس جاساپ، تولىق راديكالدانباي تۇرىپ، رايىنان قايتارىپ، بەرى قاراي امان-ەسەن اكەلۋ كەرەك، - دەگەن سۇحبات بەرۋشى ۆيدەودا.
