قازاقستاندىق ستۋدەنتتەر III تۇركى ۋنيۆەرسياداسىندا 23 مەدال يەلەندى. بۇل تۋرالى عىلىم جانە جوعارى ءبىلىم مينيسترلىگى مالىمدەدى، - دەپ حابارلايدى bairaqmedia.kz

ياعني، قازاقستاننىڭ نامىسىن قورعاعان ستۋدەنتتەر 8 التىن، 4 كۇمىس جانە 11 قولانى يەلەنگەن.

سپورتتىق دودا 3-9 قىركۇيەك ارالىعىندا قىرعىزستاننىڭ چولپون-اتا قالاسىندا ءوتتى.                     

ۋنيۆەرسياداعا تۇركى مەملەكەتتەرى ۇيىمىنا مۇشە ەلدەردىڭ ستۋدەنت-سپورتشىلارى قاتىسقان.

ۋنيۆەرسيادانىڭ اشىلۋ راسىمىنە قازاقستاننان عىلىم جانە جوعارى ءبىلىم ۆيسە-مينيسترى گۇلزات كوبەنوۆا، Satbayev Universityء-دىڭ عىلىم جانە كورپوراتيۆتى دامۋ جونىندەگى پرورەكتورى ەرجان كۇلدييەۆ، قازاقستان ستۋدەنتتىك سپورتى وداعىنىڭ ۆيسە-پرەزيدەنتى مۇحتار ەسقالييەۆ، قازاقستان ۇلتتىق ستۋدەنتتىك سپورت وداعىنىڭ باس حاتشىسى جاسنۇر اقەدىلوۆ قاتىستى. سونىمەن قاتار ۇلتتىق دەلەگاسيا قۇرامىندا قازاقستان نامىسىن حالىقارالىق ارەنادا قورعاۋعا دايىن سپورتشىلار مەن جاتتىقتىرۋشىلار بولدى.

ۋنيۆەرسيادادا قازاقستان، ازەربايجان، قىرعىزستان، تۇركيا جانە وزبەكستان سپورتشىلارى جارىسقا ءتۇستى. ول ۆولەيبول، فۋتزال، ۇستەل تەننيسى، شاحمات، دزيۋدو، ەركىن كۇرەس جانە گرەك-ريم كۇرەسى سياقتى 7 سپورت ءتۇرى بويىنشا ءوتتى.

III تۇركى ۋنيۆەرسياداسىنا بارلىعى 5 ەلدەن 450 دەلەگات قاتىسسا، قازاقستان قۇراماسىن 15 جوعارى وقۋ ورنىنان كەلگەن 66 سپورتشى تانىستىردى. ولار بارلىق 7 سپورت تۇرىنەن ب ا ق سىنادى.

كەلەسى IV تۇركى ۋنيۆەرسياداسى 2027 جىلى تۇركيادا وتەدى.