ءانشى ءارى كومپوزيتور وكتەم التايەۆ جاستىق شاعىنداعى جاۋاپسىز ماحابباتى جايلى «مەنىڭ ءومىرىم» باعدارلاماسىندا اشىق ايتتى، دەپ حابارلايدى bairaqmedia.kz.
ونەر يەسىنىڭ ايتۋىنشا، بولاشاق جارى بولادى دەپ سەنگەن سۇيىكتىسىنىڭ وزگە جىگىتى بار ەكەنىن ەستىگەن ءساتى ونىڭ ومىرىندە اۋىر ءىز قالدىرعان. ءدال سول كەزەڭدە جۇرەكتەن شىققان «نە جازدىم، جانىم، ساعان؟» ءانىن جازعان.
«بۇل ءاندى شىنىمەن دە كۇيزەلىسكە تۇسكەن كەزدە جازدىم. مەن بىرەۋدى جاقسى كورسەم، بار جۇرەگىممەن بەرىلە سۇيەتىن اداممىن. ءبىر قىزبەن تانىسىپ، بار ماحابباتىمدى سوعان ارنادىم. بولاشاققا جوسپار قۇردىق. سويتسەم، ونىڭ وقىپ جۇرگەن جەرىندە جىگىتى بار ەكەن. ماعان ونى ايتپاعان. ۇيلەنۋ تۋرالى سويلەسىپ، ارادا سەنىم دە قالىپتاسقان ەدى. ەر ادام عوي، “ۇيلەنەمىز، بالالارىمىز بولادى” دەپ بولاشاقتى ەلەستەتەسىڭ. ءبىراق ول “بولمايدى” دەگەندە توبەمنەن سۋ قۇيعانداي سەزىندىم. ومىرگە دەگەن قۇلشىنىس تا، ادامدارعا دەگەن سەنىم دە جوعالدى. جەڭگەلەرىم قىز تۋرالى ءسوز قوزعاپ قالسا، «ايتپا» دەپ جيىركەنەتىنمىن. ءبىر قىزدىڭ كەسىرىنەن بۇكىل قازاق قىزدارىن جەك كورىپ كەتكەندەي كۇي كەشتىم. 1–2 جىل قاتتى كۇيزەلىستە ءجۇردىم»، – دەيدى
كومپوزيتور بۇگىندە جاستىق شاعىندا عاشىق بولعان ارۋدىڭ ءوز باقىتىن تاۋىپ، ءومىر ءسۇرىپ جاتقانىن دا جاسىرمادى.
«ول قىز بۇل ءاننىڭ وزىنە ارنالعانىن بىلەدى. قۇدايعا شۇكىر، ءقازىر باقىتتى. تاعدىر عوي… ارينە، سىرتتاي بايقاپ جۇرەسىڭ. سولاي بولدى»، – دەدى وكتەم التايەۆ.
