ولجاس بەكتەنوۆ ەكونوميكانى دەمونوپوليزاسيالاۋ جونىندەگى كوميسسيا وتىرىسىن وتكىزدى، دەپ حابارلايدى Bairaqmedia.kz.
پرەزيدەنتتىڭ «ەكونوميكانى ىرىقتاندىرۋ جونىندەگى شارالار تۋرالى» جارلىعىنىڭ ورىندالۋ بارىسى قارالدى.
پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مەملەكەتتىڭ ەكونوميكاداعى ۇلەسىن تومەندەتۋ، ورتا بيزنەستىڭ جىو-گە سالىمىن ۇلعايتۋ بويىنشا جۇرگىزىلىپ جاتقان جۇمىستار تۋرالى باياندادى. مەملەكەتتىڭ ەكونوميكاعا قاتىسۋىن تەك الەۋمەتتىك ماڭىزى بار جانە ستراتەگيالىق سەكتورلارمەن شەكتەۋ جوسپارلانۋدا. باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆ باسەكەلەستىكتىڭ دامۋىن تەجەيتىن كەدەرگىلەردى جويۋ بويىنشا قابىلدانىپ جاتقان شارالار تۋرالى باياندادى.
وتىرىس قورىتىندىسى بويىنشا مەملەكەتتىڭ قاتىسۋىمەن جەكەشەلەندىرۋگە، بىرىكتىرۋگە نەمەسە تاراتىلۋعا جاتاتىن 475 كاسىپكەرلىك سۋبەكت ءتىزىمى بەكىتىلدى. جۇمىس 2030 جىلعا دەيىن كەزەڭ-كەزەڭىمەن ىسكە اسىرىلادى، بۇل رەتتە كاسىپورىنداردىڭ جارتىسىنان كوبى 2025-2026 جىلدارعا ارنالعان ءىس-شارالار جوسپارىنا ەنگىزىلگەن، – دەلىنگەن ۇكىمەت حابارلاماسىندا.
پرەمەر-مينيستر جارلىقتىڭ بەلگىلەنگەن مەرزىمدە جۇزەگە اسىرىلۋى كەرەكتىگىن باسا ايتتى. جۇمىس باقىلاۋدا.
