ءانشى ناركەنجە سەرىكبايەۆا مەن ءشامشى قالداياقوۆ اتىنداعى وبلىستىق فيلارمونيانىڭ باسشىسى عالىمجان ەرنازاروۆ تاتۋلاستى، دەپ حابارلايدى bairaqmedia.kz.

تاعى وقىڭىز: «الدىما وتىر، سەنى يىسكەۋىم كەرەك»: ءداستۇرلى ءانشى باستىعىنان قىسىم كورگەنىن مالىمدەدى

ولار الەۋمەتتىك جەلىدە ۇلكەن رەزونانس تۋدىرعان ارالارىنداعى داۋدى توقتاتىپ، ورتاق مامىلەگە كەلگەن. بۇل تۋرالى ءانشىنىڭ ءوزى الەۋمەتتىك جەلىدەگى پاراقشاسىندا جازدى.

«كەشەلى بەرى الاڭداۋشىلىق تانىتىپ، كوڭىلىمدى سۇراپ جاتقان ەلدىڭ ەسەبى جوق. ونەردەگى، ومىردەگى، ساياسات ساحناسىنداعى اعالار، اپكەلەر، مەنىڭ تۇراقتى، ادال تىڭدارماندارىم بار ەكەندىكتەرىن ءبىلدىرىپ جاتىر. راحمەت بارشاڭىزعا! تاعى ايتامىن مەن حايپ قۋالاپ، اتىن شىعارا الماي، بۇلىك شىعاراتىن، بالە ىزدەيتىن ءانشى ەمەسپىن. جۇرەگى نازىك، ەموسياعا بەيىم ايەل زاتىمىن. ونەردىڭ، شىن جاناشىرىمىن. كەشەگى ماسەلە جەتەتىن جەرگە جەتتى، اماندىقتا بولايىق!»، - دەدى ناركەنجە سەرىكبايەۆا.

تاعى وقىڭىز: انشىگە «يىسكەگىم كەلەدى» دەگەن ەرنازاروۆ ناركەنجە سەرىكبايەۆانى سوتقا بەردى

فيلارمونيا باسشىسىنىڭ سوزىنشە، اتالعان ماسەلە بويىنشا ارنايى كوميسسيا كەلىپ، ەكى تاراپتىڭ ارىز-تالابىن قاراستىرعان.

«كەشەدەن بەرى داۋ بولعان ماسەلە ءۇشىن كەشىرىم سۇرايمىز! ءاربىر ءۇيدىڭ ماسەلەسى ءوز ىشىندە قالۋى ءتيىس ەدى. جاعداي ەلگە تاراپ كەتكەننەن كەيىن وبلىستىق مادەنيەت باسقارماسىنان جانە اكىمشىلىكتەن كوميسسيا كەلدى. ولار ەكەۋمىزدىڭ تالاپتارىمىزدى، وتىنىشتەرىمىزدى تولىق قارادى. بىر-بىرىمىزگە قوياتىن ماسەلە جوق. جاعدايدى ۋشىقتىرىپ كەرەك ەمەس»، - دەدى  ع. ەرنازاروۆ.