جۋرناليست ءارى قوعام بەلسەندىسى جان احمادييەۆ بايان ماقساتقىزىنا نە ءۇشىن رەنجىگەنىن ايتتى، دەپ حابارلايدى bairaqmedia.kz.

بۇل تۋرالى ول "QazaqAiran" جوباسىندا مالىمدەدى.

"‘تەمىر قاتىن’ دەگەن رەپىمدى بايان ماقساتقىزىنا ارناپ شىعارعام. ول كىسى ماعان كەلىپ رەنجىدى. مەنىڭ بۇرقانىپ تۇرعان جاس كەزىم ەدى. ءقازىر ويىم وزگەردى. ‘ايەلدى اپتاسىنا ءبىر رەت ساباپ تۇرۋ كەرەك’ دەپ تە ايتقام. ءبىراق ونى ايتقان — بۇرىنعى جان احمادييەۆ. ءقازىر ويىمدى وزگەرتتىم. نەگىزى مەنى اسىراپ العان، شەشەم تاستاپ كەتكەن. سودان كەيىن مەندە ايەلدەرگە دەگەن جەككورىنىش قالىپ قويعان با دەپ ويلايمىن. شىنىمەن ءبىزدىڭ ەلدە ايەلدەر باعالانبايدى. ءقازىر ەركەكتەر ەز بولىپ كەتتى. ايەلدەرىن ساباپ، تەپكىلەيدى. مەنى كورىپ وتىرعان بارلىق ايەل قاۋىمىنان كەزىندە ايتقان ءسوزىم ءۇشىن باس ءيىپ كەشىرىم سۇرايمىن. قاتەلەستىم، قاتەمدى مويىندايمىن"، — دەدى ول.

"تەمىر قاتىن" رەپىندە ايتىلعان سوزدەر تومەندەگىدەي:

"كۇللى قازاق قاتىندارى سول قاتىننىڭ ق ۇلى بولدى
تەمىر قاتىن ينتەرنەتتىڭ تاۋسىلمايتىن جىرى بولدى.
بايدان بايعا توقال بولعان بۇل بالەنىڭ نەسى قىزىق؟
نامىسى بار ەركەك كەلىپ كەتتى ونىڭ بەتىن بۇزىپ."