تۇركىستاندىق جۋرناليست ماقسۇت ايتجانوۆ ءانشى ناركەنجە سەرىكبايەۆانى سىنعا الدى. ول كۇللى وڭتۇستىككە كۇيە جاعىپ، مالىمدەمە جاساعاندار جازالانۋ كەرەك ەكەنىن ايتتى، دەپ حابارلايدى Skifnews.kz.

جۋرناليست باسشى دا، ءانشى دە وزدەرىنىڭ تازا ەكەندىكتەرىن دالەلدەۋ قاجەت، ولاي بولماعاندا قىزمەتتەرىنەن كەتۋ كەرەك دەپ سانايدى.

«اياعى جامان ءتوردى، اۋزى جامان ەلدى بىلعايدى» دەگەن. سونىمەن ناركەنجەنىڭ اۋزى جامان با، جوق تورگە شىققانداردىڭ اياعى لاس پا!؟ نە بولسادا ءىس جىلى جابىلىپ، ءتور مەن ەلدى بىلعاعاندار جازاسىز قالماۋى كەرەك. سەبەبى، ءانشىنىڭ ءبىر مالىمدەمەسىنەن كەيىن تۇگەل تۇستىكتىڭ مادەنيەتىنە دەگەن كوپتىڭ كوزقاراسى تومەندەمەسە جوعارىلامادى. ءبىر سوزبەن ايتقاندا قازاقىلىقتىڭ قايماعى بۇزىلماعان ءوڭىر مادەنيەتىنە قارا كۇيە جاعىلدى»،-دەپ جازدى جۋرناليست.

تاعى وقىڭىز: «الدىما وتىر، سەنى يىسكەۋىم كەرەك»: ءداستۇرلى ءانشى باستىعىنان قىسىم كورگەنىن مالىمدەدى

ءانشىنىڭ دالەلسىز سوزدەرى الەۋمەتتىك جەلىگە جاپپاي جاريالانىپ كەتكەن ەدى. ءتىپتى مادەنيەتتىڭ قۇلاعىن ۇستاعانداردى جەردەن الىپ، جەرگە سالعانداردا بولدى. ارتىنشا ءانشى “يىسكەيىن دەدى” دەپ ايىپتاعان فيلارمونيا باسشىسى دا سوتقا ارىز جازعانىن ايتىپ قارسى ۇندەۋ جاريالادى.

«ۆيدەوسىندا باسشى بارلىعى زاڭ شەڭبەرىندە قارالاتىنىن جەتكىزدى. نەگىزىندە زاڭدى تۇرعىدان دۇرىس شەشىم سول ەدى. سەبەبى، زاڭ بار ەلدە اركىمنىڭ ويىنا كەلگەنىن ايتىپ، بوسە بەرۋىنە بولمايدى. “جاپتىم جالا، جاقتىم كۇيە” دەپ، تۇگەل ءبىر وڭىرگە ءتىل تيگىزۋ ۇيات. ءارى قىلمىس. سوندىقتان اركىم ايتقان سوزىنە جاۋاپ بەرۋى كەرەك. ءبىراق، بازدە ولاي ەمەس سياقتى. اركىم اۋزىنا كەلگەنىن وتتاپ، ارتىنشا تۇك بولماعانداي جۇرە بەرۋىنە بولاتىن سياقتى. ويتكەنى، وسى وقيعانىڭ باستالعانىنا ۇزاق ۋاقىت وتپەي جاتىپ قوس تاراپ “كەلىستىك” دەپ، ۆيدەو جاريالاپ، ءىستى جىلى جاپقان سىڭاي تانىتىپ تۇر. اينالايىندار-اۋ، سوندا سەندەر كىمسىڭدەر؟ نە “پسيح” نە “باقشا جاسىنداعى” بالا بولدىڭدار ما؟ مەنىڭ بىلۋىمشە ەكەۋىڭدە زاڭدى بىلەتىن تۇلعاسىڭدار.

تاعى وقىڭىز: انشىگە «يىسكەگىم كەلەدى» دەگەن ەرنازاروۆ ناركەنجە سەرىكبايەۆانى سوتقا بەردى

سوندىقتان ەكەۋىڭدە ايتقان سوزدەرىڭە جاۋاپ بەرۋ كەرەكسىڭدەر. الدىمەن ءانشى ايتاقانىن دالەلدەۋى كەرەك. ەگەر دالەلدەي الماسا ءوزىنىڭ وتىرىك ايتقانىن ايتىپ ءوزى نانىن جەپ، راحاتىن كورگەن ءوڭىر مادەنيەتىنە كىر كەلتىرگەنى ءۇشىن بارلىعىنان كەشىرىم سۇراۋى ءتيىس. ودان كەيىن سوتقا ارىز تۇسىرگەن فيلارمونيا باسشىسى ءوزىنىڭ اق ەكەنىن سوت جۇزىندە دالەلدەۋى كەرەك. ەگەر دالەلدەي الماي شىنىمەن ءانشى ايتقانداي ارەكەت جاساعان بولسا ول باسشىلىق قىزمەتتە وتىرماۋى كەرەك. مەنىڭ ويىمشا ەگەر بىزدە زاڭ مەن باسشىلاردىڭ ادامدىق ارى بولسا وسىلاي جاسالۋى كەرەك. ول كەيىنگىلەرگە ساباق بولادى»، — دەپ جازدى ماقسۇت ايتجانوۆ.