استانادا تاندىرحانادا جارىلىس بولىپ، سالدارىنان سول ماڭايدا جۇرگەن بىرنەشە ادام زارداپ شەكتى، دەپ حابارلايدى bairaqmedia.kz.
وقىس وقيعا الماتى اۋدانىنداعى م.جۇمابايەۆ كوشەسىندە بولدى. قالالىق تجد مالىمەتىنشە، ەكى قاباتتى عيماراتقا جاپسارلاس سالىنعان ءبىر قاباتتى تاندىرحانادا ءورت شىققان.
«تجد بولىمشەلەرى كەلگەنگە دەيىن تۇرمىستىق گاز باللونىنىڭ گاز-اۋا قوسپاسىنان جارىلىس بولىپ، ناتيجەسىندە عيمارات جارتىلاي قيراعان.
قۇتقارۋشىلار نەگىزگى عيماراتقا ءورتتىڭ تارالۋىنا جول بەرمەي، جەدەل تۇردە 5 گاز باللونىن شىعاردى. ءورت سوندىرۋشىلەردىڭ ۇيلەسىمدى جانە جىلدام ارەكەتتەرىنىڭ ارقاسىندا ءورت تولىعىمەن ءسوندىرىلدى»، - دەلىنگەن تجد حابارلاماسىندا.
كۇيىك العان 4 قىزمەتكەر اۋرۋحاناعا جەتكىزىلدى. زارداپ شەككەندەردىڭ جاعدايى انىقتالۋدا.
