اقتوبە وبلىسىنداعى شالقاردان بوزوي مەن نۇكىسكە دەيىنگى جولدى كۇردەلى جوندەۋ بويىنشا جۇمىستىڭ كەستەدەن كەشىگۋىنە قۇرىلىس ماتەريالىنىڭ تاپشىلىعى سەبەپ بولعان، دەپ حابارلايدى bairaqmedia.kz

كۇرەجولدى كۇردەلى جوندەۋ جۇمىسىن 2023 جىلى «Tolagai-2050» ج ش س جەڭىپ العان. الايدا، قۇرىلىس بارىسىندا كومپانيا كەدەرگىلەرگە تاپ بولىپتى.

اتاپ ايتقاندا جول جوندەۋگە قاجەتتى قۇرىلىس ماتەريالدارى بولماعان. ال جوبادا كورسەتىلگەن قۇم تاس الاتىن كارەردىڭ جەر قويناۋىن پايدالانۋ تۋرالى رۇقسات قاعازىنىڭ مەرزىمى ءوتىپ كەتكەن ەكەن. سول سەبەپتى جوبا كەستەدەن كەشەۋىلدەگەن. ايتا كەتەرلىگى، قۇم-قيىرشىقتاس قوسپاسى - اسفالتتىڭ استىنا توسەلەتىن نەگىزگى ماتەريال.

جاقىن جەردەگى كارەردەن ماتەريال الۋ مۇمكىن بولمادى. بيىل ساۋىردەن باستاپ ماسەلەنى شەشىپ، جول قۇرىلىسىنا قايتا كىرىستىك. ءقازىر قوسپانى 200 شاقىرىم جەردەگى كارەردەن، ياعني، مۇعالجاردان تاسىپ جاتىرمىز. الداعى ۋاقىتتا ءويىرشىق تاستى ودان دا قاشىق جەردەن ۆاگونمەن الدىراتىن بولدىق. ءقازىر جۇمىس ءبىر جولعا ءتۇستى، تەحنيكامىز ساي، جۇمىسشىلارىمىز بار. كۇزگە دەيىن بىزگە جۇكتەلگەن جۇمىستى تولىققاندى اياقتايمىز، - دەدى «Tolagai-2050» ج ش س اتقارۋشى ديرەكتورى ورالباي وكشەبايەۆ.

كومپانيانىڭ قۇم-قيىرشىقتاس قوسپاسىن ۆاگونمەن تاسۋىنا جەرگىلىكتى تۇرعىنداردىڭ نارازىلىعى سەبەپ بولعان. ياعني، جۇرت اۋىر ماتەريال تيەلگەن جۇك كولىكتەرى جولدى ەزىپ تاستايدى دەپ شاعىمدانىپتى. 

ءقازىر قۇرىلىسشىلار مۇنداعى 7 جارىم شاقىرىمدى اسفالتقا دايىنداپ قويعان. ەندى مەردىگەر نىسان باسىنا جىلجىمالى اسفالت زاۋىتىن اكەلۋدى جوسپارلاپ وتىر.

قۇرىلىس باسىندا 20 شاقتى تەحنيكا مەن 19 ادام قارقىندى جۇمىس ىستەپ جاتىر. ايتا كەتەرلىگى، جول جوندەۋ جۇمىستارىنا تەك جەرگىلىكتى تۇرعىندار جۇمىلدىرىلعان. 2023-2024 جىلدار ارالىعىندا جول قۇرىلىسىنا بولىنگەن قاراجاتتىڭ شامامەن 430 ملن تەڭگەسى يگەرىلىپتى.

ەسكە سالايىق، شالقار-بوزوي-نۇكىس تاس جولىنداعى جۇمىستىڭ ۋاقىتىلى بىتپەگەنى تۋرالى اقپارات EGOVPRESS پاراقشاسىندا پايدا بولعان ەدى.