تالعار اۋدانىنداعى قىزىلقايرات اۋىلىندا سۇيگەن قىزىنىڭ اعاسىن ءولتىرىپ، 2 جاسار جيەنىن ۇرلاپ اكەتكەن كۇدىكتىنىڭ اناسى ۇندەۋ جاسادى، دەپ حابارلايدى bairaqmedia.kz.
«مەن ەلامان ايگانيزوۆتىڭ اناسىمىن. مەنىڭ ۇلىم قولىمەن ىستەگەندى موينىمەن كوتەرەدى. ەل الدىندا، اللا الدىندا ءوز جازاسىن وتەيدى. بەتتەن الىپ، توستەن شاۋىپ جاتقان ادامداردىڭ ەشقايسىسى بۇل جىگىت نەگە ولاي ىستەدى دەپ سۇراپ وتىرعان جوق. مەنىڭ بالام وزىمەن-وزى مىلتىقتى الىپ جۇگىرىپ كەتپەيدى.
جازباعان ءجۋرناليسىم جوق. مەنى ەشكىم تىڭداماي وتىر. شۋ شىعارىپ وتىرعان ارۋجاننان سۇراڭىز نە ءۇشىن مەنىڭ بالام قونىنا مىلتىق الىپ ۇيىنە بارعانىن. ارۋجان ۇيىمە كەلىپ، ادال اسىمدى ءىشىپ، اق ورامالىمدى تاعىپ قونىپ جۇرگەن قىز. ەلاماندى مىلتىق الىپ بۇنداي كۇيگە قالاي جەتكىزگەندەرىڭدى ايت. شىندىقتى ايت، بولماسا مەن ءوزىم ايتامىن»، - دەيدى كوز جاسىنا ەرىك بەرگەن ايەل.
