2026 جىلى قالانىڭ كولىك جۇيەسىن دامىتۋعا قوماقتى قاراجات باعىتتالماق. بۇل تۋرالى الماتى اكىمى دارحان ساتىبالدى ءماسليحاتتىڭ كەزەكتەن تىس سەسسياسىندا مالىمدەدى، دەپ حابارلايدى bairaqmedia.kz

اكىمنىڭ ايتۋىنشا، بولىنەتىن قاراجات BRT جانە LRT جەلىلەرىن دامىتۋعا، سونداي-اق قوعامدىق كولىكتىڭ وزگە دە تۇرلەرىن ەنگىزۋگە جۇمسالادى. بۇل شارالار مەگاپوليستىڭ بۇكىل كولىك جۇيەسىن جاڭعىرتۋدىڭ نەگىزگى تەتىگى بولماق.

دارحان ساتىبالدى اتاپ وتكەندەي، قازىرگى شىعىستاردى وڭتايلاندىرۋدىڭ ناتيجەسىندە دامۋ باعىتتارىنا كوبىرەك قارجى بولۋگە مۇمكىندىك تۋدى. 2026 جىلى ەكونوميكالىق ءوسىمدى ىنتالاندىرۋعا 850 ملرد تەڭگە قاراستىرىلعان، بۇل جەرگىلىكتى بيۋدجەتتىڭ جالپى شىعىندارىنىڭ ۇشتەن ءبىرى.