الماتى كوللەدجدەرىنىڭ قۇراما كومانداسى WorldSkills Kazakhstan جارىسىنىڭ مەدالدىق ەسەبىندە العاش رەت كوش باستادى، دەپ حابارلايدى bairaqmedia.kz
استاناداعى Qazaqstan سپورت كەشەنىندە WorldSkills Kazakhstan–2025 ح رەسپۋبليكالىق چەمپيوناتى قورىتىندىلاندى. بيىل العاش رەت الماتى كوللەدجدەرىنىڭ قۇراما كومانداسى جالپىكوماندالىق مەدال ەسەبىندە 1-ورىنعا يە بولدى.
وسى جىلى چەمپيونات كەڭەيتىلىپ، 15 جاڭا قۇزىرەتتىلىك ەنگىزىلدى. بايقاۋعا ەلدىڭ 20 وڭىرىنەن 825 ستۋدەنت جانە 719 ساراپشى قاتىستى. الماتى اتىنان 44 قۇزىرەتتىلىك بويىنشا 52 قاتىسۋشى مەن 44 ساراپشى سىنعا ءتۇستى.
جارىس ناتيجەسىندە الماتىلىق كوماندا 5 التىن، 5 كۇمىس، 3 قولا مەدال جانە 19 «ۇزدىك» مەدالونىن جەڭىپ الىپ، مەدالدىق ەسەپتىڭ كوشباسشىسى اتاندى.
قازاقستان پرەزيدەنتى جاريالاعان جۇمىسشى ماماندىقتارى جىلى اياسىندا وتكەن چەمپيونات تەحنيكالىق ءارى كاسىپتىك ءبىلىمنىڭ بەدەلىن ارتتىرۋعا باعىتتالعان.
