Qarjy monıtorıńi agenttiginiń Shyǵys Qazaqstan oblysy boıynsha departamenti memleket qatysatyn úlesti zańsyz ıelikten shyǵarý faktisi boıynsha tergeýdi aıaqtady, dep habarlaıdy Bairaqmedia.kz.

Aqparatqa sáıkes, 2018–2020 jyldary D. Serikbaev atyndaǵy SHQ tehnıkalyq ýnıversıtetiniń burynǵy basshylyǵy «Tehnopark «Altaı» JSHS jarǵylyq kapıtalyndaǵy 78% memlekettik úlesti zańsyz jekemenshikke ótkizip jibergen. Ýnıversıtet – metalýrgıa, energetıka, mashına jasaý sıaqty salalarǵa maman daıarlaıtyn eldegi jetekshi JOO-lardyń biri.

Memleket basshysynyń zańsyz shyǵarylǵan aktıvterdi qaıtarý jónindegi tapsyrmasyn oryndaý aıasynda ýnıversıtetke:

• 100% úlesi bar «Tehnopark Altaı» JSHS;

• 8 000 sharshy metrlik ǵımarat;

• 1,3 gektar jer telimi

qaıtaryldy.

Qaıtarylǵan múlik ýnıversıtettiń ǵylymı-zertteý jáne oqý bazasyn damytýǵa, sonymen qatar medısınalyq protezdeý, travmatologıa jáne onkologıa salasyndaǵy ınovasıalyq klaster qurýǵa baǵyttalmaq.