Galanz Bottlers kompanıasynyń basshysy Tursynǵalı Alagózov mamyrdyń aıaǵynda óz qyzmetkerlerine júz páter syılaǵan bolatyn. Olar búgin jańa baspanalaryna kirgen, dep habarlaıdy bairaqmedia.kz

Bul týraly kásipkerdiń áıeli, prodúser Baıan Alagózova paraqshasynda jazdy.

Búgin Galanz Bottlers qyzmetkerleri kúıeýim syılaǵan jańa páterlerge alǵash ret kirdi! Men olardyń árqaısynyń qýanyshyna ortaqpyn, – dep jazdy Baıan Alagózova.

Onyń aıtýynsha, 20 maýsymda kompanıanyń 30 qyzmetkeri páter kiltin aldy. Qalǵandary jańa baspana qurylysynyń aıaqtalǵanyn kútedi.

Jelidegi vıdeo men sýretterge qaraǵanda, páterlerdiń báriniń esigi birdeı, tek nómiri basqa. Soǵan qaraǵanda, jańa baspanaǵa ıe bolǵan qyzmetkerlerdiń bári kórshi turmaq.

Esterińizge sala keteıik, 2025 jylǵy mamyrdyń aıaǵynda kásipker qaramaǵyndaǵy 100 qyzmetkerge jańa páter syılaǵan bolatyn. Kásipkerdiń osy áreketi áleýmettik jelilerde qyzý talqyǵa tústi.