Túrkistan qalasynda dinı kózqaras úshin vaksınadan bas tartý máselesi talqylandy, dep habarlaıdy bairaqmedia.kz
«Vaksınadan bas tartý – syrqattan qutylý joly emes» atty dóńgelek ústel Túrkistan qalasy kóleminde din salasyna qatysty josparlanǵan aýqymdy is-sharalar aıasynda uıymdastyryldy. Shara 24 maýsym kúni Túrkistan qalalyq emhanasynda ótti.
Oǵan Túrkistan qalasy ákimdiginiń ishki saıasat bóliminiń bas mamany A. Áýezhanov, teolog maman B. Nurıtdınov, Dúnıejúzilik densaýlyq saqtaý uıymynyń (DDSU) zertteýshi mamandary Sıff Nelson men Sahıl Varsı, sondaı-aq, qalalyq meshit ımamdary men Túrkistan oblysy aqsaqaldar alqasynyń músheleri qatysty.
Dóńgelek ústel barysynda dinı baǵyttaǵy jat aǵym ókilderiniń ekpeden bas tartýyna qatysty máseleler qozǵaldy. Ári bul baǵytta túsindirme jumystar júrgizildi. Keıin qatysýshylar arasynda pikir almasý uıymdastyrylyp, kópshilikti tolǵandyrǵan suraqtarǵa jaýap berildi. Aıta keteıik, sońǵy jyldary elimizde dinı kózqaras úshin vaksınasıadan bas tartý máselesi ózekti bolyp otyr.
İs-shara qoǵamdyq densaýlyqty saqtaý jáne dinı senim men medısına araqatynasy máselelerin durys túsindirý baǵytynda mańyzdy qadam boldy.
