Súıiktisine qol kóterdi dep basy daýǵa qalǵan Shárip Serip jasandy ıntellekttiń kómegimen vıdeo jasaǵan avtordy sotqa berdi. Onda túrmede akterdi Qýandyq Bıshimbaev jubatyp otyrǵany kórsetilgen dep habarlaıdy bairaqmedia.kz

Bul týraly Instagram jelisinde sol beınejazbanyń avtory habarlady. Sondaı-aq, jasandy ıntellekttiń kómegimen vıdeo jasaǵan adamdy sotqa bergenin Shárip Seriktiń ózi de bloger Álisher Elikbaevqa bergen suhbatynda rastaǵan.

Serik bul beınejazba onyń kóńiline aýyr tıgenin aıtty. 

Men bul beınejazba taralǵan soń, jala jabý jáne qorlaý faktileri boıynsha kıberpolısıaǵa aryz jazdym, — dedi ol suhbatynda.

Al, vıdeony ń avtory óz jumysynyń "zorlyq-zombylyqqa qarsy azamattyq ustanymdy shyǵarmashylyq turǵydan jetkizý" ekenin jáne onyń "Qazaqstanda zorlyq-zombylyqqa jol joq" degen ataýmen jarıalanǵanyn túsindirdi.

Men kez kelgen zorlyq-zombylyqty, shapalaq salýdan bastap aýyr qylmysqa deıingi zorlyqty aıyptaımyn. Zorlyq-zombylyq qoǵamdaǵy qadirdi, ar-ojdandy jáne negizgi qundylyqtardy buzady, - dedi ol áleýmettik jelidegi paraqshasynda. 

Eske sala ketsek, buǵan deıin Shárip Seriktiń júrip júrgen qyzy Álıa Býteeva akterdiń ózin soqqyǵa jyqqany týraly málimdegen bolatyn. Bloger qyzdyń basynan keshirgen zorlyq-zombylyǵy jaıly belgili bolǵan soń, Sálem Entertainment kompanıasy aktermen áriptestik qarym-qatynasyn toqtatý týraly sheshim qabyldady. Al, Shárip Seriktiń ózi bul áreketi úshin 5 táýlikke qamaýǵa alynǵan edi.