Qonaevtaǵy jaǵajaıda depýtattyń kózinshe jas kelinshek sýǵa batyp ketti, dep habarlaıdy bairaqmedia.kz.

Májilis depýtaty Baqytjan Bazarbek qaıǵyly oqıǵany óz kózimen kórdi. Onyń aıtýynsha jaǵalaýda qaýipsizdikke jaýapty eshkim bolmaǵan. Depýtat qutqarýshylar, beınebaqylaý kameralary, qutqarý quraldary, medısınalyq qyzmetker joq ekenin aıtty. Sý qoımasynyń jaǵasy jeke kásipkerlerge berilgen.

Olar aımaqqa paıda ákelýdiń ornyna tek shlagbaým qoıyp, kelgenderden aqsha jınaýmen shekteledi.

Qyzdy sýdan kýágerler alyp shyǵyp, alǵashqy kómek kórsetýge tyrysqan.

Oqıǵa ornyna kelgen dárigerler men polıseıler «eshteńe isteı almaımyz, sýdaǵy qaýipsizdikke ýákiletti organdar jaýap beredi» dep jaýap bergen.

Baqytjan Bazarbek jaǵajaılardyń kimge tıesili ekenin anyqtap, zań talaptaryn buzǵandardy jaýapqa tartý úshin tekseris júrgizýdi talap etetinin aıtty.