MSN saıtynyń málimetinshe, Irlandıa soty 2023 jyly MakGregordy 2018 jyldyń jeltoqsanynda oryn alǵan zorlaý isi boıynsha kináli dep taýyp, jábirlenýshige 250 myń eýro ótemaqy tóleýge mindettegen bolatyn. Alaıda keıinirek Nıkıta Hend esimdi áıel sotta shyndyqty tolyq aıtpaǵanyn moıyndady. Onyń aıtýynsha, ol balalarynan aıyrylyp qalamyn dep qoryqqan.

Endi MakGregordyń sol istegi málimdemeleri jalǵan dep tanylýy múmkin. Eger ol kináli dep tanylsa, oǵan 10 jylǵa deıin bas bostandyǵynan aıyrylý qaýpi tónip tur.

Bul jaǵdaıǵa baılanysty Konor MakGregor X áleýmettik jelisinde (burynǵy Twitter) málimdeme jasap, óz kinásizdigin aıtyp, bul aıyptaýlarmen sońyna deıin kúresetinin jetkizdi. Ol qarsy taraptyń advokattaryn jalǵan sóıledi dep aıyptap, olardyń sózi birinshi kúni-aq sotta áshkerelengenin atap ótti.

MakGregordyń aıtýynsha, ol jábirlenýshimen kelisim boıynsha qarym-qatynasta bolǵan jáne bul jaǵdaıdy rastaıtyn jańa kýágerlerdi — Samanta O'Reılı men Stıven Kammınsti tartpaq.

Aıta keteıik, MakGregor 2025 jyldyń kókteminde Irlandıa prezıdenti bolýǵa nıetti ekenin buǵan deıin málimdegen bolatyn.