Qazaq estradasynyń jaryq juldyzy, Halyq ártisi Maqpal Júnisova resmı túrde zeınetkerlik jasqa jetip, demalysqa shyqqanyn jarıalady, dep habarlaıdy bairaqmedia.kz.

Bul týraly ánshi sońǵy ótken konsertinde sahnadan aıtyp, tyńdarmanymen shyn júrekten bólisti.

Demalysqa shyǵatyn kezimiz kelipti. Zeınet jasyna jettik. Bul meniń zeınetker retindegi birinshi konsertim, – dedi ol sahnada el aldyna shyǵyp.

Ánshi zalda otyrǵan kórermenniń ystyq yqylasy men uzaq jyldar boıǵy qoldaýyna alǵysyn bildirip, zeınetke shyqqany ónerden qol úzý emes, kerisinshe jańa tynys, jańa beles ekenin meńzedi.

Maqpal Júnisova – qazaq estradasynyń eń tanymal jáne súıikti ánshileriniń biri. Ol:

• Qazaqstannyń Halyq ártisi (1994),
• «Qurmet» ordeniniń ıegeri,
• «Qazaqstannyń eńbek sińirgen qaıratkeri»,
• birneshe býyn tyńdarmannyń júreginen oryn alǵan shyǵarmashyl tulǵa.

Ol óziniń 40 jyldan astam sahnalyq ómirinde myńdaǵan konsert berip, ondaǵan hıt ánderdi jurtshylyqqa tartý etti.

Aıta keteıik, áıelder qazirgi kezde 61 jasynda zeınetkerlikke shyǵady. Maqpal Júnisova 1964 jyly dúnıege kelgen.