Almaty oblysynda jasyryn esirtki zerthana tabylyp, satylymǵa shyǵarylǵan 35 myń doza mefedron tárkilendi, dep habarlaıdy bairaqmedia.kz

Shý qalasynan Almaty oblysyna "baqylanatyn jetkizý" ádisimen júrgizilgen arnaıy operasıa kezinde  Qarasaı aýdanynyń "Turar baqshasy" eldimekeninde ornalasqan jasyryn esirtki zerthanasynyń qyzmeti toqtatyldy. Sıntetıkalyq esirtkilerdi óndirý jáne taratýmen aınalysqan qylmystyq sqemany kórshi eldiń eki azamaty uıymdastyrǵan. 

Jedel is-sharalar barysynda zańsyz aınalymnan 11 keliden astam sıntetıkalyq "mefedron" esirtkisi tárkilendi. Sóıtip, aınalymǵa quny 1,6 mln AQSH dollaryn quraıtyn shamamen 35 myń bir rettik dozanyń túsýine jol berilmedi.

Sonymen qatar zerthanaǵa júrgizilgen tintý barysynda 20 lıtr jáne 115 kg psıhotroptyq zat, sondaı-aq eki tonnadan astam prekýrsor tárkilendi. Olardy óńdeý arqyly 120 kg sıntetıkalyq esirtki daıyndaý josparlanǵan. Qylmystyq ortaǵa 17,5 mln AQSH dollary kóleminde zalal keltirildi.

 Ustalǵandar ýaqytsha ustaý ızolátoryna qamaldy. Bul baǵyttaǵy jumys jalǵasýda, - dedi İİM esirtki qylmysyna qarsy is-qımyl komıteti tóraǵasynyń mindetin atqarýshy Danıar Meıirhan.