Qaraǵandy oblysynda bolǵan jol apatynan jeti adam kóz jumdy. Olar oqıǵa ornynda kólikte tirideı janyp ketken, dep habarlaıdy bairaqmedia.kz.

Oblystyq polısıa departamentine siltep. Vedomstvonyń málimetinshe, 5 shilde kúni Kia Sedona avtokóliginiń júrgizýshisi Balqash qalasyna qaraı bet alyp bara jatyp, Aqshataý aýylyna jetpeı, aldyńǵy kólikterdi basyp ozý kezinde jol belgilerin elemeı, jol jóndeý jumystary júrgizilip jatqan ýchaskege, keıin krıvolıneıli tosqaýylǵa soǵylǵan.

Qatty soqqydan keıin kólik órtenip ketken.

«Aldyn ala derekter boıynsha, jeti jolaýshy oqıǵa ornynda qaza tapty. Júrgizýshi men taǵy bir jolaýshy medısınalyq mekemege jetkizildi», – dedi Qaraǵandy oblystyq polısıa departamenti anyqtaý basqarmasynyń bastyǵy Azamat Ahmetov.

Atalǵan fakti boıynsha qylmystyq is qozǵalyp, oqıǵanyń barlyq mán-jaıyn anyqtaý úshin tergeý amaldary júrgizilip jatyr.