Qoǵam

Qazaqstanda demalýǵa arnalǵan úzdik 5 oryn

13:25, 03 mamyr 2025 110

Foto: Týrızm jáne sport mınıstrligi

Jazǵy demalys maýsymy jaqyndaǵan saıyn týrıser tabıǵatty, mádenıetti, jaıly ınfraqurylymdy biriktiretin baǵyttardy izdeı bastaıdy. Týrızm jáne sport mınıstrligi eldiń ekotýrızm jáne tanymdyq baǵyttar áleýetin ashatyn TOP-5 baǵytty usyndy.

1. Katonqaraǵaı, Shyǵys Qazaqstan oblysy

Katonqaraǵaı ulttyq parki — Qazaqstanda Green Destinations halyqaralyq tizimine engen alǵashqy aýmaq. Óńir kórkem tabıǵatymen, bıik taýlarymen, kólderimen, emdik bulaqtarymen tanymal. Týrıser Iazevoe kóline, Belýha taýyna, «Rahman qaınary» qoryq aımaǵyna jáne Shúkir Shaıjúnisov mýzeıine barýyna bolady. Bul óńir ekotýrızm, álpınızm jáne saýyqtyrý týrızmi úshin óte qolaıly oryn sanalady.

2. Qorǵaljyn qoryǵy, Aqmola oblysy

Qorǵaljyn — qoqıqazdardy tabıǵı mekeninde kórýge bolatyn álemdegi sırek oryndardyń biri. Jazda qoryq kólderine myńdaǵan jyl qusy ushyp keledi. Bul baǵyt ornıtologıamen aınalysatyndar men tabıǵat tynyshtyǵyn qalaıtyn týrıser arasynda tanymal.

 

3. Altynemel ulttyq parki, Jetisý oblysy

 

Altynemel — tabıǵı alýantúrlilik pen mádenı mura toǵysqan iri týrısik ortalyqtardyń biri. Parkte zamanaýı vızıt-ortalyq jumys isteıdi. Týrıserge baǵyttar boıynsha aqparat berý, qyzmet kórsetý, navıgasıalyq qoldaý usynylady. Basty nysandardyń qatarynda — «Aıǵaı qum», Aqtaý taýlary men Tamǵaly-Tas petroglıfteri bar. Bul baǵyt otbasylyq jáne jeke saıahatqa da qolaıly.

 

4. Saıram-Ógem ulttyq parki, Túrkistan oblysy

 

Saıram-Ógem — ońtústik aımaqtaǵy áleýeti joǵary, biraq áli tolyq ashylmaǵan baǵyttardyń biri. Munda muzdyq kólderge aparatyn jaıaý baǵyttar men taý florasymen tanysý múmkindigi bar. Ekotýrızm damyp kele jatqan bul óńir ishki týrızm úshin tyń múmkindikke aınalýda.

 

5. «Sartas» vızıt-ortalyǵy, Mańǵystaý oblysy

Mańǵystaý óńiri týrısik ınfraqurylymdy belsendi túrde damytyp keledi. Jańadan ashylǵan «Sartas» vızıt-ortalyǵy óńirdiń petroglıfterine, jartas keshenderine jáne qasıetti oryndaryna baratyn kelýshiler úshin ashyq. Bul ortalyq logıstıka men qaýipsiz marshrýttarǵa qolaıly jaǵdaı jasaıdy. Jaz mezgili — Mańǵystaýdyń erekshe tabıǵaty men tarıhı keńistigin tanýǵa taptyrmas kezeń.

• #Týrızm
• #Qazaqstan
• #jaz
• #demalys