Qazaqstanda munaı-gaz hımıasy salasy týraly jeke zań ázirlenedi, dep habarlaıdy Bairaqmedia.kz.
Premer-mınıstr Oljas Bektenovtiń tóraǵalyǵymen ótken Úkimet otyrysynda hımıa jáne munaı-hımıa salasyn damytý máselesi qaraldy.
«Munaı-gaz bıznesi ókilderimen ótken keńeste munaı-gaz hımıasy salasy týraly jeke zań ázirleý máselesi kóterildi. Bul bastamany qoldaımyn. Energetıka, Ónerkásip jáne qurylys, Ulttyq ekonomıka, Ádilet mınıstrlikterine osy jyldyń 1 qyrkúıegine deıin Úkimet Apparatyna tıisti zań jobasyn engizýdi tapsyramyn», — dep atap ótti premer-mınıstr Oljas Bektenov.
Ónerkásip jáne qurylys mınıstri Ersaıyn Naǵaspaevtyń aıtýynsha, búginde hımıa ónerkásibiniń óńdeý ónerkásibi qurylymyndaǵy úlesi 4,6%-dy quraıdy jáne aýyl sharýashylyǵy, metalýrgıa, qurylys materıaldary óndirisi sıaqty salalardyń damýyna oń áser etedi.
Jyl qorytyndysy boıynsha óndiris kólemi 7,7%-ǵa ósip, 1,1 trln teńgeden asty. Salanyń negizgi kásiporyndary ishki suranystyń qajettilikterin qamtamasyz etedi jáne eksporttyq áleýetti damytady.
«Jyldyń toqsandyq qorytyndysy boıynsha ónim kólemi 12,5%-ǵa ósip, 406 mlrd teńgeni qurady. Osy jyly óndiris kólemin 5%-ǵa arttyrý kózdelgen. Jospar boıynsha ósim bıylǵy iske asyrylatyn jobalar jáne tyńaıtqyshtar men fosfordy 13%-ǵa, natrıı sıanıdin 15%-ǵa, polıpropılen óndirisin 32%-ǵa arttyrý arqyly iske asyrylatyn bolady», – dedi ol.
Jyl qorytyndysy boıynsha óndiris kólemi 7,7%-ǵa ósip, 1,1 trln teńgeden asty. Salanyń negizgi kásiporyndary ishki suranystyń qajettilikterin qamtamasyz etedi jáne eksporttyq áleýetti damytady.
Jalpy, mınıstr atap ótkendeı, sońǵy bes jylda sala jyl saıyn orta eseppen 5%-ǵa ósýmen turaqty oń dınamıkany kórsetip otyr. Bul – otandyq óndirýshilerdiń júıeli jumysy men memleket tarapynan qoldaýdyń nátıjesi.
