Qazaqstanǵa UOS sarbazynyń súıegi jetkizildi, dep habarlaıdy Bairaqmedia.kz.
Uly Jeńistiń 80 jyldyǵy qarsańynda Abaı oblysy boıynsha QAJD №19 mekemesiniń qyzmetkerleri 1943 jyly Reseı Federasıasyndaǵy Novgorod oblysynyń aýmaǵynda shaıqasta qaza tapqan Zýbaır aýylynyń týmasy, sarbaz Belibaev Orazǵalıdiń súıekterin jerleý rásimine qatysty.
Jaýyngerdiń súıekteri Uly Otan soǵysy kezinde Reseı Federasıasy Novgorod oblysynyń Staraıa Rýssa qalasynyń mańyndaǵy qandy shaıqas bolǵan jerlerde izdeý jumystary kezinde tabylǵan. İzdeý otrádtarynyń kúsh jigeri arqasynda muraǵattyq málimettermen sarbazdyń jeke basy anyqtalyp, onyń esimi joqtan qaıtaryldy.
Belibaev Orazǵalı osy aýylda 1908 jyl dúnıege kelip, Belaǵash aýdandyq áskerı komısaratymen soǵysqa shaqyrtylǵan. Otandy qorǵap, fashızmge qarsy kúreste batyldyq pen batyrlyq tanytyp, ol 1943 jyly qaıtys boldy. Ol 2024 jyldyń qazanynda Reseıdiń «Medved» izdeý birlestigi sarbazdyń qaldyqtaryn tapqanǵa deıin habar-osharsyz ketti dep sanaldy. 80 jyldan astam ýaqyttan keıin ol jaqyndarynyń janynda máńgilik tynyshtyq tabý úshin týǵan jerine qaıtaryldy. Sarbazdyń balalary bolmaǵan. Týǵan aýylynda aǵasy men ápkesiniń balalary turady. Mekeme qyzmetkerleri sarbazdyń súıegi tapsyrylǵan jerge gúl shoqtaryn qoıyp, sarbazdyń arýaǵyna qurmet kórsetti.
İs-shara barysynda sarbazdyń rýhyna áskerı qurmet kórsetilip, soǵys jyldarynda qaza tapqandardyń barlyǵy eske alynyp, beıbit ómir syılaǵan ardagerlerge alǵys bildirildi, — dedi tárbıe bóliminiń bastyǵy Asqat Kerimhanov.
