Shymkentte vagon súıreýden álem rekordy jańardy. 52 jastaǵy sportshy Artyq Dosalıev 120 tonna bolatyn 5 vagondy 21 metrden artyq qashyqtyqqa súırep, Gınnestiń rekordtar kitabyna kirdi dep habarlaıdy bairaqmedia.kz

Paýerlıftıngten 5 dúrkin álem, 8 dúrkin Azıa chempıony Artyq Dosalıev vagon súıreýden osyǵan deıin de 3 márte álemdik rekord ornatqan eken. Búgingi sharany jeńistiń 80 jyldyǵyna arnaǵan sportshy 120 tonnany súıreýge bir jyldan beri daıyndalǵanyn aıtady.

Negizgi meje 20 metrge súıreý bolǵanymen 52 jasar qara kúsh ıesi 21 metr 40 santımetr 2 mınýt 57 sekýndta tartty. Gınnestiń rekordtar kitaby Halyqaralyq uıymnyń resmı ókilderi Artyq Dosalıevke shara sońynda arnaıy sertıfıkat tabystap, eki jylda jańaryp turatyn kitabyna engizetinin jetkizdi. Al, elýdi eńsergen qara kúsh ıesi munymen toqtamaımyn dep otyr.

Endigi jylǵa da osyndaı Jeńisterdiń qarsańynda 6,7, 10-20 vagonǵa deıin súıreýge nıettenip otyrmyn. Alda áli júk boıngtar súıreımiz. Aqtaýǵa baryp tanker súıreımiz qudaı qalasa. Jastarǵa úlgi bolaıyn, motıvasıa bereıin oı ǵoı. Myna jastarymyzǵa aıtarym: jasqa qaramaı 60-70 jasqa deıin sportpen aınalysýǵa bolady eken. Eshqandaı shekteý joq eken jasta. Sportpen aınalysyńyzdar. Myqty bolyńyzdar, - dedi Artyq Dosalıev.