Almaty oblysynda kópqabatty turǵyn úılerdi salý kezinde asa iri kólemde alaıaqtyq jasalǵany anyqtaldy. Bul derek boıynsha Qarjylyq monıtorıń agenttiginiń oblystyq departamenti tergeý júrgizip, isti sotqa jiberdi, dep habarlaıdy Bairaqmedia.kz.

Tergeý materıaldaryna sáıkes, «Toredo» JSHS basshylary 2021-2023 jyldary lısenzıasyz, jobalyq-smetalyq qujattarsyz, qurylysqa ruqsatsyz jumys istegen. Soǵan qaramastan, olar «HOME», «HOME Iýjnyı018», «HOME SAU», «HOME MAK» turǵyn úı keshenderin áleýmettik jelilerde belsendi jarnamalap, 100-den astam azamattan 972 mıllıon teńge jınaǵan.

Qurylys talapqa saı júrgizilmeı, belgilengen merzimde aıaqtalmaǵan. Bul jaǵdaı úleskerlerdiń jappaı quqyq qorǵaý organdaryna shaǵymdanýyna sebep boldy.

Sot sanksıasymen kúdiktilerdiń:

• 12 jer telimi,

• 9 avtokólik,

• 3 qabatty aıaqtalmaǵan ǵımaraty,

• Jeke turǵyn úıi
  240 mıllıon teńgeden astam somaǵa tárkilendi.

Qazir kúdiktiler qamaýda, is sot qaraýyna jiberildi.