Advokat Lázzat Ahatova ózi júrgizgen atyshýly iske qatysty jelidegi paraqshasynda birneshe post jarıalady, - dep habarlaıdy bairaqmedia.kz.
Aıta keteıik, tanymal sazger Qaldybek Qurmanáliniń qyzy Ánarý Qurmanáli ózin boksshy Janqosh Turarov zorlady dep málimdeme jasaǵan edi. Búginde Ánarý men onyń qorǵaýshysy Lázzat Ahatovanyń arasynda daý týyndaǵanǵa uqsaıdy. Oǵan sebep jábirlenýshiniń óz advokatyn qarsy tarappen kelisip aldy dep aıyptaýy bolǵan.
Taǵy oqyńyz: «Aýrý adam, aıap keldim»: Advokat Ánarý Qurmanáli týraly bar shyndyqty jaıyp saldy
Advokat Ahatova istiń mán-jaıyn 6 bólimge bólip aıtyp berdi.
"Myna taqyrypty jalǵastyrý da jıirkenishti bop tur... Arsyz qyzdyń ózi turmaq, atynyń ózi jıirkenishti. Sonda da, sol isti tergeý kezinde anyqtalǵan jaıttardy jasyrmaı, aıtyp keteıin. Óz artyn ózi ashqan, essiz, júgensiz, betimen ketken qyzdyń ákesine obal...
1. Ol isti alǵash ret tergeý qylmys quramy joq dep, qysqartyp, búkil BAQ-tan habarlap edi. Sol kezde Bas Prokýratýraǵa birneshe ret shaǵym jazyp júrip, isti qaıta jańǵyrtqan edim. Sol kezde sol kúıi qoıa salýym kerek eken, sonsha júıkemdi qurtpaı...
2. Jeti jyl buryn otbasyly erkektiń shaqyrýymen qonaqúıge barǵan qyz sýsynyna birdeńe qosyp bergendikten, esin bilmeı qalǵan. Sodan atyshýly bokser aram oıyn iske asyrǵan. Qyzdyń aıtýynsha, onyń erkinen tys. Iaǵnı, zorlaǵan. Sosyn ol esin jıǵasyn, aryz jazam dep, jylaǵan. Al Janqosh Turarov qyzǵa “áıelimdi súımeımin, seni súıem, maǵan ul týyp ber, seni alam” degen. Qyz aryz jazbaǵan.
Men jábirlenýshiniń tergeýde bergen jaýaptaryna qaraı, retimen aıtyp otyrmyn. Aq-qarasyn ózderińiz ajyratyp alarsyzdar. Shynymen zorlanǵan ba, álde oınas erkeginiń otbasyn tastap, ózine úılenbegenine eregisip, eldi shýlatqan ba, paıymdap alarsyzdar... Pálen-túgen dep, pikir aıtpaı-aq qoıaıyn... Aqyry, "Janqoshpen kelisip” alǵan ekem) “Keliskenniń” qandaı bolatynyn endi kórsin.
3. Jeti jyl boıy qorqyp keldim dedi. Aıadyq, sendik. Men de aıap, sendim. Al ol qyzdyń tergeýdegi ár jaýabynan, sózderiniń qıyspaıtynynan senim azaıyp, kúdik qoıýlana berdi. Sonda da kásibı mindetimdi adal atqardym. Qazaqsha aıtqanda, qorǵaýshy retinde birjaqty pozısıadan taımadym. Tipti isten shyǵyp ketkende de, qansha renjisem de, sol pozısıadan ózgergen joqpyn. Al endi “tynysh jatqan búrkittiń bir jerin túrtip, úrkitken” ózi.
4. Jeti jyl burynǵy jaǵdaıdy dáleldeý múmkin emes, árıne. Sol kezde birden aryz bergende, oryssha aıtqanda, “bylo by proshe”. Sarapshy dárigerler qyzdyq perdeniń búlingenin, zorlyq belgisin anyqtap berer edi. Aryzdanǵan joq, ol kezde. Zorlanǵan qyz zorlyqshynyń túrin kórgisi kelmeıdi emes pe, ary qaraı kezdespek túgili?... Erteńine de kezdesip, kóshede álgi sportshy erkektiń kóliginde j.qatynasqa tústik dep, uıalmaı aıtyp otyrǵanda, tergeýshiden men uıalyp kettim...
5. Qosh, jeti jyl boıy ol erkek qyzdy “qorqytyp, bopsalap” kelipti. Bizge aıtýy boıynsha. Sońǵy ret “zorlanǵany” 2024 jyldyń 13 - tamyzy. Al jábirlenýshi polısıaǵa aryzdy 19-tamyz kúni baryp, jazǵan. 2018 -jyly alǵash “zorlanǵanda” jas bolypty, tájirıbesiz bolypty. Jeti jylda zorlanǵan jaǵdaıda aryzdy birden jazý keregin bilý kerek emes pe edi?... Alty kúnnen soń, ábden jýynyp, oılanyp barǵan ba, polısıaǵa?... oǵan da túsinistikpen qaradyq, “depressıaǵa túsip, esin sol kezde jınaǵan” dep.
Tergeýshi ol qyzdyń aryzdy mas kúıinde kelip, jazǵanyn aıtqanda, taǵy uıalyp kettim... Odan mas bop, polısıa ǵımaratynyń aldynda bir qyzdarmen julysyp, fýtbolkasy jyrtylyp, keýdesi jalańash vıdeosyn kórgende de, betim qyzaryp, jerge qaradym ǵoı...
Qansha ret betim qyzardy, negizi, bul qyz úshin. Abyroısyz adamnyń isin júrgizý de abyroı ápermeıtinin uǵynsam da, “adasyp qalǵan bala ǵoı. Anasy da joq. Ákesi óz otbasynda, ózimen-ózi. Keýdesinen ıtermeı, janyn túsinýge tyrysaıyq, túzý jolǵa túsip keter” - degen úmit boldy, kóńilde... Ýdaı mas kúıinde bir kafede shyńǵyryp, bireýlermen qyrylysyp júrgenin Kozachkov ta shyǵaryp edi ǵoı, kanalyna.
Odan tergeý toby kórshilerinen jaýap alǵandaǵy, kórshileriniń jaýaptaryna taǵy qyzardyq... ”J... dep oılaımyz, solaı kıinedi, ylǵı túnde júredi, túr álpeti jeńil júristi qyzǵa uqsaıdy” - degen jaýaptar. Sol úshin de tergeýshimen urysqanym esimde. Kórshilerinde neleriń bar dep)
6. Saraptama qorytyndysy boıynsha 13-tamyz kúni Janqosh Turarov pen Ánarý Qurmanáliniń j.qatynasqa túskeni rastaldy. Ol bıologıalyq saraptamany da aıqaı-shýmen ótkizgenimizge ózderińiz kýásizder. Turarov kelmeı, qashqaqtap, qorǵaý taraptan shaǵym túsip, ony sotta buzdyryp, qol jetkizdik, - dep túsindirdi ol.
Taǵy oqyńyz: «Áke meni qorǵańyzshy...»: Ánarý Qaldybek zorlanǵanyn aıtyp, úndeý jasady
Sonymen qatar ol bul shýdyń bastalýyna Ánarý men Janqoshtyń áıeli Klaranyń arasyndaǵy urys-keris sebepshi bolǵanyn alǵa tartty.
"Al endi zorlyq oryn aldy ma, álde qatynas eki adamnyń kelisimimen boldy ma? Biz zorlyq dedik, ekinshi tarap óz erkimizben boldyq dedi. Bolǵandary anyq. Turarovtyń “ol qyzdy tanymaımyn” degeni dalbasa áńgime. “Apama jezdem saı” degen sóz bar ǵoı. Perepıskalary bar, sol kúngi, “bara jatyrmyn, kele jatyrmyn” degen.
Zorlanǵan adam bir jarym sýtka “zorlyqshy” erkekpen bir bólmede qalmaıtyn shyǵar?...
- Nege aıqaılamadyńyz, kórshilerdi kómekke shaqyrmadyńyz? - degen suraq boldy, tergeýde. Oryndy suraq qoı, jalpy.
Qoshtasaıyq dep aıtýǵa shaqyrǵan eken, jábirlenýshiniń aıtýynsha. Sóıtip, qoshtasý maqsatynda birge sharap ishken). Sodan soń, “nasılnıkti” spokoıno shyǵaryp salyp, onyń áıeline jazǵan. “Seniń kúıeýiń meni zorlady” dep. Sodan eki bıkeshtiń qaqtyǵysy bastalady. Bireýi sottatam deıdi, ekinshisi “poprobýı, qolyńnan túk kelmeıdi, sen ol úshin jaı trápkasyń” - deıdi. Sodan áıeline eregisip, baryp, aryz jaza salady. Ákesine jylap-syqtap, jýrnalıserdi jınatyp alady da, suqbat berip tastaıdy, eregisip. Vse prosto, ol úshin). Arasynda anasy joq jetimdigin aıtyp, eldiń aıanyshyn týǵyzady. Manıpýlásıa jasaýdy sheber meńgergen. Shynymen zardap shekse, saraptama qolynda tur, taǵy bir advokaty bar, isti ózi sońyna jetkizip, Janqoshty sottatpaı ma?) Maǵan qarap qalǵan ne bar, bul jerde?), - dedi ashýlanǵan advokat.
