3 qyrkúıek kúni Abaı oblysynyń Aıagóz qalasynda polısıa qyzmetkerleri kúdikti zat tabylǵannan keıin aýmaqty qorshap, turǵyn úıden adamdardy evakýasıalady, dep habarlaıdy bairaqmedia.kz.

Abaı oblysy polısıa departamentiniń málimetinshe, kezekshi bólimge 70 jastaǵy jergilikti turǵynnan habar túsken. Er adam joldan ótip bara jatyp, jerde jatqan syrttaı snarádqa uqsas metal zatty baıqaǵan.

Oqıǵa ornyna polısıa qyzmetkerleri, İİM sapórlary jáne TJD mamandary keldi. Aımaq qorshalyp, turǵyndar qaýipti aımaqtan shyǵaryldy.

70 jastaǵy jergilikti turǵyn temir zatty baıqap, ol syrtqy pishini boıynsha snarádqa uqsas bolǵandyqtan, dereý "102" arnasyna habarlasqan. Zertteý nátıjesinde tabylǵan zattyń qaýip tóndirmeıtini anyqtaldy. Bul paıdalanylǵan kassetalyq mına bolyp shyqty. Ol jarylys qaýpin týdyrmaıdy, - dep habarlady Abaı oblysynyń PD baspasóz qyzmeti.

Tabylǵan zat "Vostok" óńirlik bólimshesine tapsyryldy. Azamattardyń ómiri men densaýlyǵyna eshqandaı qaýip joq.