Ekonomıkalyq jáne sybaılas jemqorlyq qylmystarymen kúres agenttiginiń burynǵy tóraǵasy Qaırat Qojamjarovqa qatysty sotaldy tergeý bastaldy, dep habarlaıdy bairaqmedia.kz.
Bas prokýratýra taratqan málimetke sáıkes, "tergeý onyń túrli basshylyq qyzmet atqarǵan kezeńderinde laýazymdyq ókilettigin asyra paıdalaný jáne qylmystyq jolmen alynǵan qarajatty zańdastyrý deregi boıynsha bastaldy".
"Barlyq qylmystyq is boıynsha arnaıy prokýrorlardyń basshylyǵymen jedel-tergeý toptary quryldy. Qazaqstan Respýblıkasy Qylmystyq-prosestik kodeksiniń 201-babyna sáıkes ózge aqparat jarıa etilmeıdi", – dep málimdedi Bas prokýratýra.
Qaırat Qojamjarov – burynǵy Sybaılas jemqorlyqqa qarsy is-qımyl ulttyq búrosynyń tóraǵasy, Qazaqstannyń Memlekettik qyzmet isteri jáne sybaılas jemqorlyqqa qarsy is-qımyl agenttigin basqarǵan. Qarjy polısıasynyń general-maıory. Ár jyldary Aqmola oblysynyń ákimi, Qazaqstan Respýblıkasy Qaýipsizdik keńesiniń hatshysy qyzmetterin atqarǵan
