Almaty oblysy Talǵar aýdany Qyzyl qaırat aýylynda er adamdy óltirip, kishkentaı qyzdy urlap ketti, dep habarlaıdy bairaqmedia.kz.

Er adamdy óltirý jáne kámeletke tolmaǵan balany urlaý faktisi boıynsha polısıa qylmystyq is qozǵady.

"Tergeý málimetteri boıynsha, kúdikti men jábirlenýshi buryn jaqyn qarym-qatynasta bolǵan. Olardyń arasynda janjal týyndap, kúdikti jábirlenýshiniń aǵasyna oq atqan. Oq tıgen adam qaıtys boldy", - deıdi vedomstvo.

Qylmys jasalǵannan keıin kúdikti kishkentaı balany urlap, qashyp ketken.

"Kúdiktiniń kim ekeni jáne onyń ornalasqan jeri anyqtaldy. Ony ustaý boıynsha sharalar qabyldanýda", - deıdi polısıa.
Qazir tergeý júrip jatyr

Artynsha polısıa kúdikti ustalyp, ýaqytsha ustaý ızolátoryna qamaýǵa alynǵanyn habarlady.

Urlanǵan bala tabyldy, onyń ómiri men densaýlyǵyna eshqandaı qaýip joq, deıdi polısıadaǵylar.

Oqıǵanyń mán-jaıy anyqtalyp jatyr.