Belgili akter Rahman Omar jýrnalıs Anna Danchenkoǵa bergen suhbatynda otbasyna qatysty jeke syryn bólisti, dep habarlaıdy bairaqmedia.kz.

Akterdyń aıtýynsha, onyń eki nekeden dúnıege kelgen 6 balasy bar. Alaıda, ókinishke qaraı, olar bir-birimen aralaspaıdy.

«Bir áttegen-aı bar. Balalarym otbasymmen aralaspaıdy, tek menimen aralasady. İshteı balalyq egoızm bolady ǵoı. Qyzǵanshaqtyǵy bolatyn shyǵar. Olar «aralaspaı-aq qoıaıyqshy» dedi. Endi oǵan ýaqyt kerek.  Meniń toı basqaryp, asaba bolyp júrgenime 20-30 jyl boldy. Sol kezde basynda aralaspaı júrip, keıin aralasyp ketken otbasylardy kórdim. Sondyqtan úmitsiz shaıtan. Qudaı qalasa sol kúnge jetermiz.

Qazir úlkenim 28 jasta, ekinshim 25 jasta. Odan keıingi ulym Dastan 2010 jylǵy 10-synypqa aıaq basty. Qudaı bergen 5 ul, bir qyzym bar.

6 balanyń ákesimin. Tuńǵyshym úılendi. Qaıyn ata bolyp úlgerdim, biraq áli ata bolǵan joqpyn. Jastar asyqpaıdy eken. Biz úılengende ómirge urpaq ákelýge asyǵatyn edik. Qazirgi jastar «aldymen jaǵdaıymyz jasap alaıyq» deıdi», – dedi R. Omar.