Jat aǵymnyń jeteginde tek jastar ketpeıdi. Adasyp júrgen talaı qarıalar da bar. Bul týraly Túrkistan oblysy Din isteri basqarmasynyń “Din máselelerin zertteý ortalyǵyna” bergen suhbatynda teolog Tımýr Núsiphan aıtty, - dep habarlaıdy bairaqmedia.kz

Adasyp júrgen apany da talaı kórdik, adasyp júrgen atany da talaı kórdik. Adasýshy bilimsýz adam ǵana emes. KIMEP-ti, Narxoz-dy bitirip, Sırıaǵa ketip qalǵan, aǵylshyn tilin jetik meńgergen, úlken-úlken ýnıversıtetti bitirgen sanaly azamattardyń da Sırıadan kelip, túrmede otyrǵanyn kórdik. Akademık, fılosof bolyp, biz Táńirden jaratylǵanbyz dep, ózgeshe nárselerdi aıtyp, túsindirgisi kelip júrgen ıeginde saqaly joq aqsaqaldardy da talaı kórdik, - dedi teolog.

Bul qoǵamda bul ıdeologıa eńbektegen baladan, eńkeıden qartqa deıin barlyq adamdy adastyrady deıdi teolog.

Adasqannan keıin “ımam degen jumys istemeıdi, mekteptiń dırektory balalarǵa qaramaıdy, ákim múlde jumys istemeıdi” dep, adam adasqan balasyna ár jaqtan kinálini izdeıdi. Aınalyp kelgende bala seniki ǵoı. Bala mektepke baryp oqýy múmkin, qalǵan ýaqytta janyńda ǵoı. Árbir ata-ana balasyna alańdaǵan sekildi, “bul bala sharshap júr, kınoǵa aparaıyn, pıssa jegizeıin, úıdiń tamaǵynan jalyqty ǵoı” dep, árbir jerge aparyp júr ǵoı, tipti lagerlerge aparyp jatyr,  osy sekildi árbir ata-ana ýaqyttyń belgili bir bóliginde qolynan jetektep, qazir búkil jerde kitaphana bar. Qazir baryp balańyzben kitap oqımyn deseńiz, kitaphanashy qýanbasa, qarsylyq bildirmeıdi. Balasymen birge baryp kitap oqıtyn ata-ana joq qoı. Osy nárselerge saı adam óziniń bilimin kótermese, ol basqany kináláýdi qoısyn, - dedi Tımýr Núsiphan.