Ánshi Erke Esmahan jýrnalıs Láılá Sultanqyzyna renishin jetkizdi, dep habarlaıdy bairaqmedia.kz.

Belgili telejúrgizýshi jýyrda óziniń YouTube arnasynda plasıkalyq hırýrgtardy qonaq etip shaqyryp, otandyq óner juldyzdarynyń qandaı otaǵa júgingeni jaıly suhbat júrgizgen. Áńgime barysynda dárigerler Erke Esmahannyń da esimin ataǵan.

Mamandardyń aıtýynsha, ánshi betiniń jany men kózine plasıkalyq ota jasatqan bolýy múmkin. Sondaı-aq mundaı qyzmetti Qazaqstanda emes, Koreıada jasatqan degen boljam aıtyldy.

Bul jaıt óner ıesiniń kóńiline tımeı qoımaǵan. Ol Instagram jelisindegi storısinde Láılá Sultanqyzyna tikeleı jazyp, mundaı áreketti kútpegenin ashyq jetkizdi.

«Láılá hanym, sizdiki jáı ma? Suqbattastaryńyzdyń aıtyp otyrǵan qorqynyshty nárseleriniń eshbirin men betime jasatpaǵanymdy siz óte jaqsy bilesiz. Menimen jaqyn syılas, syrlas ápkem retinde ótirikke jol bermeýdiń ornyna ózińiz talqyǵa salyp otyrǵanyńyz tańǵaldyrdy.

Men artymnan aıtylatyn áńgimelerge mán bermeımin negizi. Óıtkeni, ózimniń qandaı ekenimdi ózim ǵana bilemin! Biraq, ómirde jaqyn dep júrgen jandardyń meniń atymdy haıp pen qaralymǵa paıdalanǵany unamaıdy. Sebebi ózim ondaı adam emespin. Jaraıdy, aman bolyńyz!», - dep jazdy ol.