Jelide mektep bitirýshi túlektiń atestatyn qolyna alyp, marqum ákesiniń basyna barǵan sáti túsirilgen vıdeo keń tarap, qyzý talqy týdyrdy, dep habarlaıdy bairaqmedia.kz.

Kópshilik bul áreketti árqıly qabyldady: bireýler jas túlektiń áke rýhyna degen qurmetine súısinse, endi biri muny "haıp úshin jasalǵan" dep synǵa aldy.

"Molanyń basyna vıdeo túsirý sánge aınalyp bara ma?", "Áreketi durys, biraq syrt kelbetine de mán berý kerek edi", Imandy bolsyn, biraq mundaı sátterdi jarıa etpeı-aq qoısa qaıtedi?",-dep jazdy jeli qoldanýshylarynyń bir toby.

Sonymen qatar, keıbir pikir ıeleri qyzdyń nıetin durys túsinýge shaqyryp, ony synaýdyń orynsyz ekenin alǵa tartty. Olar úshin bul — rýhanı sát, áke aldyndaǵy paryzdy óteýdiń bir kórinisi.

Aıta keteıik, sońǵy jyldary áleýmettik jelide týystarynyń basyna baryp, foto-vıdeo túsiretinderdiń kóbeıgeni baıqalady. Bul úrdis qoǵamda ekiudaı pikir týdyryp júr.