Májilis endaýment qor týraly zań jobasyn birinshi oqylymda maquldady, dep habarlaıdy Bairaqmedia.kz.

Ǵylym jáne joǵary bilim mınıstrliginiń bastamasymen ázirlengen bul zań jobasy nysanaly kapıtal qorlaryn jáne endaýment-qorlardy ashyq túrde qalyptastyrý men jumys isteýine quqyqtyq negiz qalaıdy.

Onda bilim berý, ǵylym jáne ınovasıalyq qyzmet, buqaralyq sport, dárilik qamtý men medısınalyq qyzmet kórsetý, halyqty áleýmettik qorǵaý sıaqty endaýment-qorlardyń qarjylandyrý salalary naqty aıqyndalǵan.

Endaýment-qordyń aktıvteri quramyna aqshalaı qarajat, baǵaly qaǵazdar, jyljymaıtyn múlik jáne zıatkerlik menshik kire alady. Oǵan múlikti shekteýsiz merzimge, kem degende 10 jylǵa deıin berýge bolady. Berilgen múliktiń quny saqtalady, tek ony basqarýdan túsken ınvestısıalyq tabysty ǵana jumsaýǵa ruqsat etiledi.

Aktıvter kólemi zań jobasynda belgilengen shekten asqan jaǵdaıda, olar mindetti túrde kásibı basqarýshy kompanıanyń senimgerlik basqarýyna berilýge tıis. Depýtattardyń usynysy boıynsha bul shek 10 myń AEK mólsherinde belgilendi, al aktıvterdi berý merzimi – 3 aı. Osy ýaqytqa deıin olar ekinshi deńgeıli bankterdiń depozıtterinde ornalastyrylady.

Májilis depýtattary naqtylap ótkendeı, bul zań jobasy avtonomdy bilim berý uıymdarynyń endaýment-qorlarynyń qyzmetine qoldanylmaıdy.