Kókshetaý qalasynyń polıseıleri bopsalaýmen aınalysqan toptyń zańsyz áreketine tosqaýyl qoıdy, dep habarlaıdy Bairaqmedia.kz.

Quqyq qorǵaý organdaryna qalada jeke taksı júrgizýshisi habarlasyp, belgisiz adamdardyń júıeli túrde aqsha talap etip, qorqytyp júrgenin málimdedi.

Jábirlenýshiniń aıtýynsha, kúdiktiler kúsh qoldaný jáne zábir kórsetý arqyly birneshe ret aqsha bopsalaǵan. Qylmystyq jaǵdaı týraly habarlama kelip túsken boıda jedel izdestirý sharalary qolǵa alynyp, polısıa qyzmetkerleri birqatar jedel is-sharalar júrgizdi. Nátıjesinde quqyq buzýshylardyń áreketi beınematerıaldar arqyly dáleldenip, jábirlenýshige aqsha bergen sátte olar qylmys ústinde qolǵa tústi.

Kúdiktiler 29 jáne 24 jastaǵy úsh jergilikti turǵyn bolyp shyqty. Olardyń ekeýi buryn da qylmystyq jaýapkershilikke tartylǵany anyqtaldy.

Qazir atalǵan fakti boıynsha QR Qylmystyq kodeksiniń tıisti baby boıynsha sotqa deıingi tergeý amaldary júrgizilip jatyr. Eki kúdikti ýaqytsha ustaý ızolátoryna qamaldy, – delingen habarlamada.

Polısıa azamattardy quqyq buzýshylyqtarǵa tózimsiz bolýǵa, sondaı-aq qandaı da bir bopsalaý áreketteri týraly dereý polısıaǵa habarlaýǵa shaqyrady.