Astanada júk kóligi alty jasar balany basyp ketti, dep habarlaıdy Bairaqmedia.kz.

Astanadaǵy Ál-Farabı kóshesinde ornalasqan turǵyn úı keshenderiniń biriniń aýlasynda alty jasar balanyń ómirin qıǵan qaıǵyly oqıǵa boldy.

Aldyn ala málimetterge sáıkes, bala velosıpedpen júrgen kezde 38 jastaǵy júrgizýshi tizgindegen Dongfeng markaly júk kóliginiń «soqyr aımaǵyna» túsip qalǵan. Manevr jasaý kezinde júrgizýshi balany baıqamaı, ony qaǵyp ketken.

Kýágerler jedel járdem shaqyrǵan. Aýyr jaǵdaıda aýrýhanaǵa jetkizilgen bala alǵan jaraqattarynan kóz jumdy – dárigerler ómirin aman alyp qala almady.

Qazir polısıa tergeý amaldaryn bastady. Aldyn ala boljam boıynsha, qaıǵyly jaǵdaı júrgizýshiniń aýlada qozǵalys qaýipsizdigine kóz jetkizbeýinen bolǵan.

Eske sala ketsek, 2 sáýirde Almatyda júk kóligi 7 jastaǵy qyzdy basyp kettip, saldarynan oqýshy oqıǵa ornynda qaza tapqanyn habarlaǵan bolatynbyz. Sondaı-aq, erteńine jol-kólik oqıǵasy saldarynan 7 jasar bala da mert bolǵan.