Terorızmdi nasıhattaǵan áıel 7 jylǵa sottaldy, dep habarlaıdy Bairaqmedia.kz.

Prokýratýra aqparatyna sáıkes, elorda turǵyny Telegram jelisi arqyly terorızmdi nasıǵattaýǵa baǵyttalǵan materıaldar men ıdeologıalardy taratyp, Sırıadaǵy lańkestik topqa qatysýǵa baǵyttalǵan áreketterdi daıyndaǵan.

Áıel polısıa qyzmetkerlerimen Almaty áýejaıynyń aýmaǵynda Túrkıa arqyly Sırıaǵa ushpaq bolǵan jerinen ustaldy.

Basty sot talqylaýynda sottalýshy Telegram toptyq chatynda dinı sebeptermen qarýly qaqtyǵystar týraly oń pikir aıtqany, sondaı-aq kámeletke tolmaǵan eki qyzyn lańkestik top múshelerine kúıeýge berý úshin Sırıaǵa barýdy talqylaǵany anyqtaldy. Sot úkimimen kináli adamǵa 7 jylǵa bas bostandyǵynan aıyrý jazasy taǵaıyndaldy, – delingen habarlamada.

Astana qalasynyń prokýratýrasy terrorıstik top qurý, oǵan basshylyq etý jáne onyń áreketine qatysý, múlki tárkilenip, 17 jylǵa deıin bas bostandyǵynan aıyrý jazasyna ákep soǵatynyn, terorızmdi nasıhattaý nemese terorızm aktisin jasaýǵa jarıa túrde shaqyrý, múlki tárkilenip, 12 jylǵa deıin bas bostandyǵynan aıyrý jazasyna ákep soǵatynyn eskertedi.