Almatyda taksı júrgizýshisin urǵan er adam ustaldy, dep habarlaıdy Bairaqmedia.kz.

Uryp-soǵý faktisi boıynsha Almaty qalasynyń polısıasy prokýratýramen birlesip, jedel-izdestirý is-sharalarynyń keshenin júrgizdi. Nátıjesinde qalanyń 19 jastaǵy turǵynyna qatysty zańsyz áreketter jasady degen kúdikpen 32 jastaǵy er adam anyqtalyp, ustaldy.

Kúdikti polısıaǵa jetkizildi. Onda qazir tergeý amaldary júrgizilip jatyr. Ol óz kinásin moıyndady, – delingen habarlamada.

Osy fakti boıynsha qylmystyq is qozǵaldy, tergeý jalǵasyp jatyr. Kúdikti ýaqytsha ustaý ızolátoryna qamaldy.

Almaty polısıasy zańbuzýshylyqtyń árbir faktisine qatań quqyqtyq baǵa beriletinin atap ótti.