Memleket basshysy Qasym-Jomart Toqaev Úndistannyń premer-mınıstrine kóńil aıtty, dep habarlaıdy Bairaqmedia.kz.
Qasym-Jomart Toqaev premer-mınıstr Narendra Modıge Úndistannyń soltústiginde ornalasqan Pahalgam qalasyndaǵy jantúrshigerlik lańkestik áreket saldarynan beıbit turǵyndardyń qaza tabýyna baılanysty kóńil aıtý jedelhatyn joldady.
Prezıdent halyqqa qarsy jasalǵan bul zorlyq-zombylyqty qatań aıyptaıtynyn jetkizip, zardap shekken azamattardyń tezirek saýyǵyp ketýine tilektestigin bildirdi.
Foto: Getty Images / Hindustan Times/Waseem Andrabi
Aıta ketsek, keshe «Úndistannyń kishkentaı Shveısarıasy» atalyp ketken Pahalgamda terakt boldy. Hakı tústi kıim kıgen belgisiz qarýly adamdar Baısaran ańǵarynda júrgen týrıserge oq jaýdyrǵan. Resmı aqparatqa sáıkes, seısenbide bolǵan teraktiden 27 adam qaza tapty.
