Almaty oblysynyń fermerleri Almatyǵa 200 tonnadan astam ónim ákeledi, - dep habarlaıdy bairaqmedia.kz

Almaty oblysynyń eginshileri men fermerleri  megapolıs turǵyndaryna 200 tonnadan astam jańa jáne ekologıalyq taza aýyl sharýashylyǵy ónimderin usynady. Saýda sórelerine et, balyq, sút ónimderi, kókónis, jemis-jıdek, bal, kúrish, jumyrtqa jáne aımaqtan óndirilgen ózge de taýarlar shyǵarylady.

Aýqymdy aýyl sharýashylyǵy jármeńkesi qazannyń 18–19 kúnderi Almaty qalasynda, Qazybek bı kóshesinde (Abylaı han dańǵylynan Panfılov kóshesine deıin, KBTÝ tómengi jaǵynda) ótedi. Bul shara qala turǵyndary men qonaqtary úshin sapaly ári tabıǵı ónimderdi naryq baǵasynan 15%-ǵa arzan satyp alýǵa tamasha múmkindik bolmaq.

Jármeńkege jalpy 16 tonna et, 1,6 tonna sút ónimderi, 18,6 tonna kartop, 19,5 tonna pıaz, 36,2 tonna túrli kókónis, 6 tonna kúrish, 3,3 tonna bal, 26 tonna alma men jemis-jıdek, sondaı-aq 50,5 tonna basqa da ónim jetkiziledi.

Shara Almaty oblysy men Almaty qalasy ákimdikteriniń qoldaýymen uıymdastyrylyp otyr. Jármeńkeniń basty maqsaty — otandyq óndirýshilerdi qoldaý, ishki naryqty damytý jáne turǵyndardy qoljetimdi ári sapaly aýyl sharýashylyǵy ónimderimen qamtamasyz etý.