Túrkistanda turǵyn úılerdi qysqa daıyndyǵy tekserildi, - dep habarlaıdy bairaqmedia.kz

Túrkistan qalasynyń ákimi Ázimbek Pazylbekuly qysqy jylytý maýsymyna daıyndyq jumystaryn tekserip, İ jáne İİ  móltek aýdandaryndaǵy kópqabatty turǵyn úılerdiń jylý júıeleri men jertólelerin aralady.

Aralaý barysynda qala basshysy nysandardyń daıyndyǵyn kózben kórip, turǵyndarmen tildesip, jaýapty sala mamandaryna naqty tapsyrmalar júktedi. 

Bıylǵy jyly İ–İİ móltek aýdandaryndaǵy 75 kópqabatty turǵyn úı ortalyqtandyrylǵan jylý júıesine qosylǵan. Qazirgi tańda turǵyn úıler jylytý maýsymyna tolyq daıyn. 

Qala boıynsha 12 561 tutynýshy ortalyqtandyrylǵan jylý júıesine qosylǵan. Onyń ishinde 223 kópqabatty turǵyn úı, 18 búdjettik uıym, 55 kásipkerlik nysan jáne 36 jeke turǵyn úı bar. Barlyq tutynýshylarǵa jylý berý kestege saı jáne turaqty júrgizilýde.

Qala ákimi Ázimbek Pazylbekuly jylý maýsymynyń sapaly jáne úzdiksiz ótýin qamtamasyz etý – jaýapty mekemelerdiń basty mindeti ekenin atap ótti. 

Sondaı-aq, turǵyndardan kelip túsetin ótinishterge jedel áreket etý, aqaý anyqtalǵan jaǵdaıda der kezinde jóndeý jumystaryn uıymdastyrý qajettigin tapsyrdy.

Qala qysqa tolyq daıyn bolýy kerek. Árbir kópqabatty turǵyn úı men áleýmettik nysannyń jylytý júıesi úzdiksiz jumys isteýi mańyzdy. Turǵyndardyń jaılylyǵy – bizdiń basty nazarymyzda. Osy baǵyttaǵy jumystar kún saıyn baqylaýda bolýy tıis, – dedi qala ákimi Ázimbek Pazylbekuly.

Qysqy maýsymnyń turaqty jáne qaýipsiz ótýi úshin qala ákimdigi men komýnaldyq qyzmetter kúsheıtilgen rejımde jumysyn jalǵastyrmaq.