Búgin Túrkistan qalasynyń ákimi Ázimbek Pazylbekuly Túrki áleminiń dańqty perzenti, qazaq taekvondosynyń negizin qalaýshy Mustafa Óztúriktiń qyzy Neslıhan Óztúrikti qabyldady, - dep habarlaıdy bairaqmedia.kz
Neslıhan Óztúrik atajurtyna arnaıy saparlap kelip, babalarynyń izi qalǵan qasıetti óńirlerdi zıarat etip júr. Onyń rýhanı sapary uly oıshyl, hakim Abaıdyń eli – Shyǵys Qazaqstan óńirinen bastalyp, túrki jurtynyń rýhanı ordasy, kıeli Túrkistan qalasynda túıindeldi.
Qala basshysy mártebeli meımandardy arnaıy qarsy alyp, Túrkistan óńiriniń tarıhı kelbeti men qazirgi damý baǵyttaryn tanystyrdy.
Ázimbek Pazylbekuly Mustafa Óztúriktiń qazaq sporty men ulttyq rýhanıatyna sińirgen eńbegin erekshe atap ótip, onyń esimi el jadynda máńgi saqtaý maqsatynda arnaıy sharalar uıymdastyrylatynyn aıtty.
Óz kezeginde Neslıhan hanym Túrki halqynyń baýyrmaldyǵyn, Túrkistan turǵyndarynyń jyly yqylasyn erekshe sezingenin aıtyp, alǵysyn bildirdi. Ol ákesiniń armany – qazaq eli men túrki jurtynyń rýhanı birligin nyǵaıtý jolyndaǵy ıgi ister jalǵasyp kele jatqanyna qýanyshty ekenin jetkizdi.
